Orang ke Setia Ngamatka Semaya Sida ngagai Jehovah

Bacha Pengulu 11:​30-40 kena belajar pasal ngamatka semaya ari cherita Jeptah enggau anak indu iya.

Peratika konteks iya. Nama runding orang Israel ti setia pasal semaya ke digaga sida ngagai Jehovah? (P-pau. 30:2) Baka ni Jeptah enggau anak indu iya ngayanka pengarap seduai iya ngagai Jehovah?—P-ulu. 11:​9-11, 19-24, 36.

Mansik enggau silik agi. Nama reti ku Jeptah lebuh iya nyebut: “Orang ti keterubah ke pansut ari rumah aku, ke datai ngambat aku . . . Aku deka nyerahka iya nyadi pemeri tunu”? (w16.04 5 ¶12) Nama pengorbanan ke digaga Jeptah enggau anak indu iya kena ngamatka semaya Jeptah? (w16.04 6-7 ¶14-16) Nama sekeda semaya ke digaga orang Kristian ngagai Jehovah kemayaharitu?—w17.04 6-9 ¶10-19.

Perundingka utai ti ulih dipelajarka nuan. Tanya diri empu:

• ‘Nama ulih nulung aku ngamatka semaya nyerahka diri ngagai Jehovah?’ (w20.03 13 ¶20)

• ‘Nama pengorbanan ke ulih digaga aku ngambika ulih gawa mayuh agi ke Jehovah?’

• ‘Nama ulih nulung aku ngamatka semaya ke digaga aku ngagai kaling pengidup ba hari kami duai jadi?’ (Mat. 19:​5, 6; Eps. 5:​28-33)