NGEPUNKA RANDAU
PELAJAR 4
Baruh Ati
Prinsip: “Enggau ati ti baruh, ngumbai orang bukai manah agi ari kita.”—Plp. 2:3.
Nama Utai Ti Digaga Paul?
1. Peda VIDEO, tauka bacha Surat Kereja Rasul 26:2, 3. Udah nya, perundingka sekeda tanya tu:
Baka ni Paul nunjukka pemaruh ati lebuh bejaku enggau Raja Agripa?
Baka ni Paul nunjukka diri ngemuliaka Jehovah sereta betumpu ba ayat Bup Kudus, ukai ba diri empu?—Peda Surat Kereja Rasul 26:22.
Nama Ulih Dipelajarka Kitai Ari Paul?
2. Pesan ke ditusui kitai ulih nyapai ati sesiku orang enti kitai bejaku enggau baruh ati sereta bebasa.
Neladan Paul
3. Bejaku enggau chara ti bebasa. Anang nunjukka diri baka ke nemu semua utai, lalu ngumbai orang nya enda nemu utai. Bejaku meh ngagai iya enggau chara ti bebasa.
4. Nuan patut nunjukka utai ke diajar nuan nya datai ari Bup Kudus. Bup Kudus ngembuan ajar ke datai ari Petara. Ketegal nya, ajar Bup Kudus ulih negu ati orang. Lebuh kitai ngena Bup Kudus, kitai nulung ngemansangka pengarap orang ngambika pengarap sida bepelasarka ajar ti bendar.
5. Mengkang nelap. Anang terus nguji deka nunjukka poin nuan aja ke betul. Kitai enggai bekelikuh. Kitai ulih nunjukka pemaruh ati enggau chara mengkang tenang, lalu nemu ni maya patut mupuk. (J-lam. 17:14; Tit. 3:2) Enti nuan terus bejaku enggau nelap, orang nya engka deka mendingka pesan ke ditusui kitai ba maya bukai.