Abụ Ọma

5 Jehova, biko, nụrụ ihe m na-ekwu;+

Ghọta ịsụ ude m.

 2 Eze m+ na Chineke m, biko, ṅaa ntị ná mkpu enyemaka m na-eti,+

n’ihi na ọ bụ gị ka m na-ekpeku ekpere.+

 3 Jehova, biko, nụrụ olu m n’ụtụtụ;+

M ga-agwa gị okwu n’ụtụtụ ma chere.+

 4 N’ihi na ị bụghị Chineke nke ajọ omume na-atọ ụtọ;+

Onye ọjọọ agaghị ebinyere gị ma ọlị.+

 5 Ndị na-etu ọnụ agaghị eguzo n’ihu gị.+

Ị kpọrọ ndị niile na-eme ihe ọjọọ asị;+

 6 Ị ga-ebibi ndị na-ekwu okwu ụgha.+

Jehova kpọrọ onye na-awụfu ọbara+ na onye na-aghọ aghụghọ+ asị.

 7 Ma mụ onwe m, n’ihi obiọma* gị dị ukwuu,+

M ga-abata n’ụlọ gị,+

M ga-eche ihu n’ụlọ nsọ gị kpọọ isiala n’ihi egwu m na-atụ gị.+

 8 Jehova, biko, duo m n’ezi omume+ gị n’ihi na ndị iro gbara m gburugburu;+

Mee ka ụzọ gị dị larịị n’ihu m.+

 9 N’ihi na ọ dịghị ihe si ha n’ọnụ a pụrụ ịtụkwasị obi;+

Ime afọ ha bụ nnọọ ahụhụ.+

Akpịrị ha bụ ili ghere oghe;+

Ire ụtọ ka ha ji ekwu okwu.+

10 Chineke ga-ama ha ikpe;+

Atụmatụ ha ga-eme ka ha daa.+

Ka a chụsaa ha n’ihi na mmebi iwu ha dị ukwuu,+

N’ihi na ha nupụụrụ gị isi.+

11 Ma ndị niile na-agbaba n’ime gị ga-aṅụrị ọṅụ;+

Ha ga na-eti mkpu ọṅụ ruo mgbe ebighị ebi.+

Ị ga-echebe ha,

Ndị hụrụ aha gị n’anya ga-enwekwa aṅụrị n’ime gị.+

12 N’ihi na gị onwe gị, Jehova, ga-agọzi onye ọ bụla bụ́ onye ezi omume;+

Ị ga-eji ihu ọma gbaa ya gburugburu+ dị ka à ga-asị na ọ bụ ọta ukwu.+