• Abụ Ọma 14:1-7
    Baịbụl Nsọ nke Nsụgharị Ụwa Ọhụrụ

    • 14 Ndị nzuzu* na-asị n’obi ha:

      “Jehova adịghị.”+

      Ha na-eme omume rụrụ arụ, na-emekwa ihe ọjọọ dị iche iche.

      E nweghị onye na-eme ihe dị mma.+

       2 Ma Jehova si n’eluigwe na-ele ndị mmadụ anya

      Ka ọ hụ ma è nwere onye na-aghọta ihe, ma è nwere onye na-achọ Jehova.+

       3 Ha niile akwụsịla ime ihe dị mma.+

      Ha niile rụrụ arụ.

      E nweghị onye na-eme ihe dị mma,

      E nweghịdị otu onye.

       4 Ọ̀ bụ na e nweghị onye na-aghọta ihe n’ime ndị na-eme ihe ọjọọ?

      Ha na-eri ndị m ka à ga-asị na ha na-eri nri.*

      Ha anaghị efe Jehova.

       5 Ma oké ụjọ ga-ejide ha+

      N’ihi na Jehova nọnyeere ìgwè* ndị ezi omume.

       6 Unu ndị ajọ omume na-agbalị ka unu mebie atụmatụ nke onye ọ na-enweghị ka ọ hà ya,

      Ma Jehova bụ ebe mgbaba ya.+

       7 Ọ dị m ka ya bụrụ na a ga-esi na Zayọn zọpụta ndị Izrel.+

      Ka Jekọb ṅụrịa ọṅụ, ka ndị Izrel nweekwa obi ụtọ

      Mgbe Jehova ga-akpọlata ndị ya a dọọrọ n’agha.