14 Otu n’ime ndịozi ya iri na abụọ, onye aha ya bụ Judas Iskarịọt,+ gakwuuru ndị isi nchụàjà+ 15 wee sị ha: “Gịnị ka unu ga-enye m ka m rara ya nye n’aka unu?”+ Ha wee kwekọrịta inye ya mkpụrụ ego ọlaọcha iri atọ.+ 16 N’ihi ya, malite mgbe ahụ gawa, ọ nọ na-achọ oge ga-adaba adaba ọ ga-eji rara ya nye.

24 N’eziokwu, Nwa nke mmadụ na-ahapụ unu, otú e dere banyere ya. Ma, onye ga-arara Nwa nke mmadụ nye+ ga-ata ahụhụ.+ Ọ gaara akara onye ahụ mma ma a sị na a mụghị ya amụ.”+

10 Judas Iskarịọt, otu n’ime ndịozi iri na abụọ ahụ, wee gakwuru ndị isi nchụàjà ka ha kpaa otú ọ ga-esi rara Jizọs nye n’aka ha.+ 11 Mgbe ha nụrụ ihe Judas kwuru, obi tọrọ ha ụtọ, ha ekwe nkwa inye ya ego ọlaọcha.+ N’ihi ya, ọ malitere ịchọ oge ga-adaba adaba ọ ga-eji rara ya nye.