Otú Broshọ A Ga-esi Baara Gị Uru

Broshọ a ga-enyere gị aka ịmụ Okwu Chineke bụ́ Baịbụl. Ná ngwụcha paragraf nke ọ bụla, ị ga-ahụ amaokwu Baịbụl ndị a gwara gị gụọ. Ị gụọ ha, ị ga-amata azịza ajụjụ ndị ahụ e ji aka akwụkwọ dị okpotokpo dee.

Ị na-agụ amaokwu Baịbụl ndị ahụ, gbalịa mata otú ha si zaa ajụjụ ndị ahụ a jụrụ. Ọ bụrụkwa na ị gwa Onyeàmà Jehova ka ọ kọwaara gị ha, obi ga-atọ ya ụtọ ịkọwara gị ha.​—Gụọ Luk 24:32, 45.