Ọ̀ Ga-amasị Gị Ka Mmadụ Bịa na nke Gị?

N’afọ gara aga otu nwanyị bi na Corpus Christi, Texas, U.S.A., degaara Watchtower Society dị na Brooklyn, New York, akwụkwọ, na-asị: “Aha m bụ Emily, anọwokwa m na-amụ akwụkwọ ụfọdụ n’ime Ndịàmà Jehova nyere m n’izu ole na ole gara aga. Mgbe m gụsịrị magazin ndị ahụ ma jiri ha tụnyere Bible ezinụlọ m, ahụrụ m na Chọọchị Roman Katọlik eyighị ka hà na-akụzi ihe dị n’ime Bible Nsọ. Ha adịghị ekwu okwu ọ bụla banyere aha Chineke ma ọ bụ banyere Alaeze Chineke nke na-abịanụ, bụ́ ndị m hụrụ na ha bụ isi ihe ndị dị na Bible m. Akwụsịwo m ije chọọchị ezinụlọ m wee malite ịmụ Bible, ọ bụkwa n’ihi akwụkwọ unu ndị na-ekwu eziokwu.

“Ọ ga-amasị m ịmalite isonyere otu ọgbakọ Ndịàmà Jehova dị n’ebe a. Biko zijere ha ozi ka ha bịa n’ụlọ m ka mụ na ha kwurịta okwu.”

Ọ ga-amasịkwa otu n’ime Ndịàmà Jehova ịbịa na nke gị ma nyere gị aka ịmụbawanye ihe ọmụma gị banyere Chineke, Alaeze ya, na nzube ya nile, dị ka e dekọrọ ha n’ime Bible. Iji mee ndokwa banyere nke a, nanị dejupụta ihe ndị a chọrọ n’okpuru ebe a ma zite ya n’adres dị ná mpempe akwụkwọ ahụ.

Ọ ga-amasị m ịmatakwu ihe banyere Bible. Biko meenụ ndokwa ka mmadụ bịa n’ụlọ m.