Isiokwu Ndị Dị n’Ụlọ Nche A

Ihe na-echu ọtụtụ ndị ụra taa bụ otú ha ga-esi bụrụ ndị a ma ama n’ụwa ọjọọ a. N’isiokwu a, anyị ga-atụle ihe mere anyị ji kwesị ịnọgide na-achọ ka Jehova mara anyị, bụ́ otú kacha mma e kwesịrị isi mara anyị. Anyị ga-atụlekwa otú Jehova si akwanyere ndị ohu ya ùgwù, mgbe ụfọdụ, n’ụzọ ha na-atụghị anya ya.

N’isiokwu a, anyị ga-amata ihe mere Mozis, bụ́ ezigbo ohu Chineke abanyeghị n’Ala Nkwa ahụ. Anyị ga-amatakwa ihe mere o ji mehie Chineke nakwa otú anyị nwere ike isi gbaara ihe ahụ o mere ọsọ.

Mmadụ niile bụ nke Jehova. N’ihi ya, ọ chọrọ ka anyị na-efe naanị ya. Ụfọdụ ndị na-enupụrụ Chineke isi ma na-eme ka à ga-asị na ha ji obi ha niile na-efe ya. N’isiokwu nke mbụ, anyị ga-amụta ihe dị mkpa n’ihe Baịbụl kwuru gbasara Ken, Sọlọmọn, Mozis, na Erọn. N’isiokwu nke abụọ, anyị ga-atụle ụzọ ndị anyị ga-esi egosi Jehova na obi dị anyị ụtọ maka ikwe ka anyị bụrụ ndị ya.