Ịma Ọkwa

◼ Akwụkwọ ndị a ga-enyefe na November: Bekee—New World Translation of the Holy Scriptures na akwụkwọ The Bible—God’s Word or Man’s? n’ụtụ ₦400 (Bible nanị, ₦320). Yoruba—New World Translation of the Christian Greek Scriptures n’ụtụ ₦120. Asụsụ ndị ọzọ—Akwukwọm nke Akukọ Bible n’ụtụ ₦240 ma ọ bụ Ị Pụrụ Ịdị Ndụ Ebighị Ebi n’ime Paradaịs n’Elu Ala (nke nnukwu, ₦240; nke obere, ₦120). December: Asụsụ nile—Nwoke Kasị Ukwuu nke Dịworo Ndụ. Ọ bụrụ na e nweghị ya, jiri Akwukwọm nke Akukọ Bible ma ọ bụ Ị Pụrụ Ịdị Ndụ Ebighị Ebi n’ime Paradaịs n’Elu Ala mee ihe. January: Asụsụ nile—A pụrụ inyefe akwụkwọ ọ bụla dị 192 peji e biri n’akwụkwọ na-achanwụ achanwụ ma ọ bụ ndị na-agbanwe ụcha ha ma ọ bụ nke ọ bụla e biri tupu 1982 n’ọnụ ego dị ala. A gaghị agụnye akwụkwọ ndị e ji akwụkwọ ndị na-adịghị achanwụ achanwụ ma ọ bụ ndị na-adịghị agbanwe ụcha ha ná ndị a ga-enyefe n’ọnụ ego dị ala nke a. February: Bekee, Efịk, na Igbo—Mkpughe—Mmezu Ya Dị Ebube Dị Nso! Asụsụ ndị ọzọ—Ị Pụrụ Ịdị Ndụ Ebighị Ebi n’ime Paradaịs n’Elu Ala. RỊBA AMA: Ọgbakọ ndị ga-achọ ihe ndị a ga-akpọsa e depụtara n’elu kwesịrị itinye ọda ha na Literature Order Form (S-14) ha nke ọnwa ọzọ.

◼ Society nọ ná mkpa nke ndị nsụgharị n’asụsụ ndị na-esonụ: Efịk, Gun, Hausa, Igala, Igbo, Isoko, Tiv, na Yoruba. Onye ahụ aghaghị ịgụwo akwụkwọ ọ dịkarịa ala afọ 12, nwee akara mmụta credit n’asụsụ Bekee n’ule ordinary level nke GCE ma ọ bụ WASC/SSCE na credit na n’asụsụ nke aka ya ma ọ bụrụ na o lere ule ahụ na GCE ma ọ bụ WASC/SSCE (nke ikpeazụ abụghị iwu). Onye ọ bụla chere na ya pụrụ iru eru, nke nwekwara mmasị n’ije ozi Betel kwesịrị idetara Society akwụkwọ, na-ekwu ka e zitere ya fọm ndejupụta maka Betel. Akwụkwọ ozi ahụ kwesịrị ịgụnye ihe ọmụma banyere ebe ọ gụruru akwụkwọ na asụsụ o chere na ya ruru eru na ya dị ka onye nsụgharị. Ọ ga-adịkwa mma ka onye ahụ zitere anyị rịzọlt ule ma ọ bụ asambodo ya. Ọ bụrụ na o nwere karịa GCE ma ọ bụ WASC/SSCE, ọ pụrụ nanị izite ibe asambodo nke ebe ọ gụruru akwụkwọ ugbu a. Ndị na-etinye akwụkwọ kwesịrị ịbụ ndị na-alụbeghị di ma ọ bụ nwunye ma ọ bụ ndị lụrụ di ma ọ bụ nwunye na-enweghị ụmụ, ha kwesịkwara inwere onwe ha ịnakwere ọkpụkpọ òkù ịbịa Betel.

◼ Malite n’izu December 11, a ga-amụ akwụkwọ Mkpughe—Mmezu Ya Dị Ebube Dị Nso! n’Ọmụmụ Akwụkwọ Ọgbakọ nile.