Ịma Ọkwa

◼ Akwụkwọ a ga-enyefe na March 21 ruo April 17: A ga-eme mkpọsa pụrụ iche iji kesaa Nọrọ na Nche! April 18 ruo April 30, na May: Nyefee Ụlọ Nche na Teta! Mgbe ị na-eme nletaghachi na nke ndị nwere mmasị, gụnyere ndị bịara Ememe Ncheta nakwa/ma ọ bụ nzukọ anyị ndị ọzọ ma ha adịghị eso ọgbakọ akpachi anya, lekwasị anya n’inyefe akwụkwọ Fee Chineke Ofufe. E kwesịrị ịgbalịsi ike ịmalite iduziri ha ọmụmụ Bible ebe obibi, karịsịa ma ọ bụrụ na ụfọdụ n’ime ha amụwo akwụkwọ Ihe ọmụma na broshuọ Na-achọ. June: Nyefee akwụkwọ bụ́ Mụta Ihe Site n’Aka Onye Ozizi Ukwu Ahụ, ọ bụrụ na ndị mmadụ asị na ha enweghị ụmụaka, nyefee broshuọ Na-achọ. Gbalịa ịmalite iduziri ha ọmụmụ Bible ebe obibi.

◼ Na May 28, 2005, a ga-emechi alaka ụlọ ọrụ dị n’Igieduma. N’ihi ya, biko unu abịala nleta ma ọ bụ inweta akwụkwọ n’ụbọchị ahụ.

◼ Ọ dị mkpa ka alaka ụlọ ọrụ na-enwe adres na nọmba telifon kasị ọhụrụ nke ndị isi oche ndị nlekọta na nke ndị odeakwụkwọ nile. Ọ bụrụ na e nwee mgbanwe n’oge ọ bụla, Kọmitii Ije Ozi Ọgbakọ kwesịrị idejupụta fọm bụ́ Presiding Overseer/Secretary Change of Address (S-29), bịanye aka na ya, ma zitere ya alaka ụlọ ọrụ ozugbo. Nke a na-agụnye mgbanwe ọ bụla e nwere na nọmba ndị a na-apị tupu a kpọọ ógbè nke ọ bụla.

◼ Odeakwụkwọ ọgbakọ kwesịrị ịhụ mgbe nile na ọgbakọ nwere fọm Application for Regular Pioneer Service (S-205) na Application for Auxiliary Pioneer Service (S-205b), ole zuoro ha. A pụrụ iji fọm Literature Request Form (S-14) tụọ ọda ha. Hụ na ọgbakọ nwere, ọ dịkarịa ala, nke ga-ezu otu afọ. Nyochaa fọm maka ọrụ ọsụ ụzọ oge nile e dejupụtara, iji hụ na e dejupụtara ha nke ọma.