Ịma Ọkwa

◼ Akwụkwọ a ga-enyefe na February: A ga-enyefe akwụkwọ bụ́ Bịaruo Jehova Nso. Ọ bụrụ na e nweghị ya, a pụrụ inyefe akwụkwọ Ihe Ọmụma ma ọ bụ akwụkwọ ọ bụla ka ya mee ochie unu nwejuru enweju. March: Nyefee akwụkwọ ọhụrụ ahụ bụ́ Gịnị n’Ezie Ka Bible Na-akụzi? Gbalịsie ike ịmalite ọmụmụ Bible. April na May: Nyefee Ụlọ Nche na Teta! Mgbe ị na-eme nletaghachi na nke ndị nwere mmasị, hụ na ị gara na nke ndị bịara ihe omume e ji echeta ọnwụ Jizọs ma ọ bụ na nke ndị bịara ya ma na-abịakwa nzukọ anyị ndị ọzọ ma ha adịghị eso ọgbakọ akpachi anya. Lekwasị anya n’inyefe akwụkwọ ọhụrụ bụ́ Gịnị n’Ezie Ka Bible Na-akụzi? Nzube anyị kwesịrị ịbụ iji akwụkwọ ahụ malite ọmụmụ Bible.

◼ Ebe ọ bụ na e nwere ngwụsị izu ise zuru ezu n’ọnwa April, ọ ga-abụ ọnwa magburu onwe ya ịrụ ọrụ ọsụ ụzọ inyeaka.

◼ Isiokwu nke okwu ihu ọha pụrụ iche maka oge ihe omume e ji echeta ọnwụ Jizọs nke afọ 2006 ga-abụ “Ọ̀ Bụ Chineke Ka Na-achịkwa Ihe Ndị Na-eme n’Ụwa.” Lee Ozi Alaeze Anyị nke September 2005 maka ịma ọkwa yiri nke a.

◼ A ga-atụle isiokwu dị na peeji nke 6 nke bụ́ “Nweta Obi Aṅụrị n’Ịmụ Akwụkwọ Bụ́ Gịnị n’Ezie Ka Bible Na-akụzi?” ná Nzukọ Ije Ozi nke izu nke April 3. Biko, chekwaa isiokwu ahụ na usoro ọmụmụ ihe ya na ya so.

◼ Onyeisi oche ndị nlekọta ma ọ bụ onye ọ bụla ọ họpụtara kwesịrị inyocha ihe ndekọ ego ọgbakọ na March 1 ma ọ bụ ngwa ngwa o kwere mee mgbe ụbọchị ahụ gasịrị. Ọ bụrụ na unu nwere ihe ndekọ ego ụlọ akụ dị iche, dị ka nke ego e ji elekọta Ụlọ Nzukọ Alaeze ma ọ bụ ego e ji ewu nke ọhụrụ, e kwesịkwara ime ndokwa ka e nyochaa ya. Mgbe e mesịrị nke a, e kwesịrị ịmara ọgbakọ ọkwa ya mgbe a gụsịrị akwụkwọ ndekọ ego ọzọ.

◼ Odeakwụkwọ na onye nlekọta ije ozi kwesịrị ịtụleghachi ọrụ ndị nile na-arụ ọrụ ọsụ ụzọ oge nile. Ọ bụrụ na e nwere onye ọ na-esiri ike ịrụzu awa ole a chọrọ ya n’aka, ndị okenye kwesịrị ime ndokwa ka e nyere ya aka. Maka aro ụfọdụ, tụleghachi akwụkwọ ozi S-201 bụ́ nke a na-edeta kwa afọ.

◼ Ọ dịghị onye ma ọ bụ ìgwè a chọrọ ka ha gaa n’ebe a na-arụ ọfịs ọhụrụ anyị dị na Lagos, bụ́ nke a ka malitere ịrụ ọrụ na ya amalite. Nke a bụ n’ihi na ọ bụ ndị ọrụ na-abụghị Ndịàmà na-arụ ya, ịga nleta ebe ahụ ga-eme ka ọrụ ahụ ghara ịga ngwa ngwa dị ka e si chọọ ya.

◼ Ná mgbakọ sekit na nke pụrụ iche a ga-enwe n’afọ 2006, sekit ndị na-esonụ ga-enwe ebe e debeere ndị ntị chiri oche. A ga-eji asụsụ ndị ogbi tapịara ha usoro ihe omume ahụ. N’Ozi Alaeze Anyị nke March 2006, a ga-ebipụta mgbakọ ndị ọzọ a ga-enwe ndokwa dị otú a:

Badagry (WE-02) January 21-22 na April 23

Badagry (WE-14) January 14-15 na April 22

Ibadan (WE-09) February 11 na June 17-18

Ota (WE-05) January 14-15 na April 8

Ota (WE-25) January 21-22 na April 9

Ubogo (ME-07) February 4-5 na May 21