Akụkọ Ozi

N’afọ ije ozi 2007-2008, ndị nkwusa dị otu puku na narị abụọ na isii na Nigeria zara òkù ahụ onye Masedonia kpọrọ, ma gaa kwusaa ozi ọma n’ókèala ndị a na-adịghị ezikarị ozi ọma na ha. Ọtụtụ n’ime ndị ahụ garanụ nwetara ahụmahụ ndị dị mma n’ozi ọma. Ahụmahụ ndị ahụ na-egosi na a ka chọkwuru ndị ọrụ. Otu nwanna nwoke kọrọ, sị: “N’ụbọchị anyị na-ala, ka anyị gbasara ọmụmụ ihe, otu nwoke n’obodo ahụ jụrụ anyị mgbe ọzọ anyị ga-abịa zie ha ozi ọma. Anyị gwara ya na anyị amaghị mgbe ọ ga-abụ. Ọ sịziri, ‘Ọ bụrụ na nwaanyị amụọ nwa ọhụrụ, ọ ga-elekọta nwa ahụ ruo mgbe o toro ma nwee ike ilekọta onwe ya. Unu amụọla nwa ọhụrụ . . . ma hapụ ya na-ala. Ònyezi ga-elekọta ya ruo mgbe o toro? Biko, maranụ aka unu ga-enyere anyị.’” Ị̀ ga-azali òkù a n’afọ a?—Ọrụ 16:9.