Ọ́bá Akwụkwọ Anyị NKE DỊ N'ỊNTANET
Ọ́bá Akwụkwọ Anyị
NKE DỊ N'ỊNTANET
Igbo
Ọ
  • Á
  • á
  • À
  • à
  • É
  • é
  • È
  • è
  • Ì
  • ì
  • Í
  • í
  • Ị
  • ị
  • Ị̀
  • ị̀
  • Ị́
  • ị́
  • Ḿ
  • ḿ
  • M̀
  • m̀
  • Ṅ
  • ṅ
  • Ò
  • ò
  • Ó
  • ó
  • Ọ
  • ọ
  • Ọ̀
  • ọ̀
  • Ọ́
  • ọ́
  • Ù
  • ù
  • Ú
  • ú
  • Ụ
  • ụ
  • Ụ̀
  • ụ̀
  • Ụ́
  • ụ́
  • BAỊBỤL
  • AKWỤKWỌ NDỊ ANYỊ NWERE
  • ỌMỤMỤ IHE
  • my akụkọ 69
  • Otu Nwa Agbọghọ Nta Enyere Otu Dike Aka

O nweghị vidio dị maka ihe a ị họọrọ.

Ewela iwe, o nwetụrụ nsogbu gbochiri vidio a ịkpọ.

  • Otu Nwa Agbọghọ Nta Enyere Otu Dike Aka
  • Akwụkwọ M nke Akụkọ Bible
  • Isiokwu Ndị Ọzọ Yiri Nke A
  • Ọ Masịrị Ya Inyere Onye Ọzọ Aka
    Ụlọ Nche Ikwupụta Alaeze Jehova—2008
  • Nwatakịrị Nwaanyị Nyeere Otu Dike Aka
    Ihe Ị Ga-amụta n’Akụkọ Baịbụl
  • O Nupụrụ Isi ma Mechaa Mee Ihe A Gwara Ya
    Ụlọ Nche Ikwupụta Alaeze Jehova—2012
  • Anyaukwu Kpataara Gehezaị Nsogbu
    Ụlọ Nche Ikwupụta Alaeze Jehova—2012
Lee Ihe Ndị Ọzọ
Akwụkwọ M nke Akụkọ Bible
my akụkọ 69
Mgbe nwa agbọghọ nta Izrel na-agwa nwunye Neeman banyere Ilaịsha onye amụma

AKỤKỌ NKE 69

Otu Nwa Agbọghọ Nta Enyere Otu Dike Aka

Ị̀ MA ihe nwa agbọghọ nta a na-ekwu? Ọ na-akọrọ nwaanyị a banyere Ilaịsha onye amụma Jehova, na ihe ndị dị ebube Jehova na-enyere ya aka ime. Nwaanyị a amaghị ihe ọ bụla banyere Jehova n’ihi na ọ bụghị onye Izrel. Ngwa, ka anyị hụ ihe mere nwata a ji nọrọ n’ụlọ nwaanyị a.

Nwaanyị a bụ onye Siria. Aha di ya bụ Neeman, onyeisi ụsụụ ndị agha Siria. Ndị Siria jidere nwata nwaanyị Izrel a wee dutere ya nwunye Neeman ka ọ bụrụ odibo ya.

Neeman na-arịa otu ajọ ọrịa a na-akpọ ekpenta. Ọrịa a pụrụ ọbụna ime ka anụ ahụ́ mmadụ na-adakapụsị. Lee ihe nwa agbọghọ nta a na-agwa nwunye Neeman: ‘Ọ na-agụ m ka onyenwe m jekwuru onye amụma Jehova n’Izrel. Ọ ga-agwọ ya ekpenta ya.’ Mgbe e mesịrị, a gwara di nwaanyị a ihe nwa agbọghọ nta a kwuru.

Neeman chọrọ nnọọ ka a gwọọ ya, n’ihi ya, o kpebiri ịga Izrel. Mgbe o ruru ebe ahụ, ọ gara n‘ụlọ Ilaịsha. Ilaịsha zigara ohu ya ka ọ gwa Neeman ka ọ gaa saa ahụ́ ugboro asaa n’ime Osimiri Jọdan. Nke a kpasuru Neeman iwe nke ukwuu, o wee sị: ‘Osimiri ala m dị mma karịa osimiri ọ bụla dị n’Izrel!’ Mgbe Neeman kwusịrị nke a, ya alawa.

Ma ndị ohu ya gwara ya, sị: ‘Onyenwe anyị, ọ bụrụ na Ilaịsha sịrị gị mee ihe dị ike, ị ga-eme ya. Oleekwanụ ihe mere na ị gaghị asa ahụ́ nkịtị, dị ka o kwuru?’ Neeman gere ndị ohu ya ntị wee danye ugboro asaa n’ime Osimiri Jọdan. Mgbe o mesịrị nke a, anụ ahụ́ ya wee dị mma, ahụ́ agbasiekwa ya ike!

Obi tọrọ Neeman ezigbo ụtọ. O wee jekwuru Ilaịsha, sị ya: ‘Ugbu a ka m maara na Chineke nke Izrel bụ naanị ezi Chineke dị n’ụwa niile. Biko nara m onyinye nke a.’ Ma Ilaịsha zara ya, sị: ‘Mba, agaghị m anara ya.’ Ilaịsha maara na ọ gaghị ezi ezi ma ọ bụrụ na ya anara onyinye ahụ n’ihi na ọ bụ Jehova gwọrọ Neeman. Ma Gehezaị, bụ́ ohu Ilaịsha, chọrọ onyinye ahụ.

N’ihi ya, leenụ ihe Gehezaị mere. Mgbe Neeman lawara, Gehezaị chụkwuuru ya wee sị ya: ‘Ilaịsha sịrị m gwa gị na ya chọrọ ka i nye ya ụfọdụ n’ime onyinye gị ahụ ka o were lee ndị enyi ya bịara ileta ya ọbịa.’ N’ezie, nke a bụ ụgha. Ma Neeman amaghị na ọ bụ ụgha; o wee nye Gehezaị ihe ụfọdụ.

Mgbe Gehezaị laruru ụlọ, Ilaịsha amaralarị ihe o mere. Jehova agwawo ya. Ya mere, Ilaịsha gwara ya, sị: ‘N’ihi ihe ọjọọ nke a i mere, ekpenta Neeman ga-abịakwasị gị.’ Nke ahụ mere, n’egbughị oge!

Gịnị ka anyị pụrụ ịmụta n’ihe a niile? Nke mbụ, anyị ga-adị ka nwata nwaanyị ahụ ma na-ekwu banyere Jehova. Ọ pụrụ ịrụpụta ihe ọma dị ukwuu. Nke abụọ, anyị ekwesịghị ịdị mpako otú Neeman dị na mbụ, kama nke ahụ, anyị kwesịrị ịdị na-erubere ndị ohu Chineke isi. Nke atọ kwa, anyị ekwesịghị ịdị na-agha ụgha dị ka Gehezaị ghara. Ọ̀ bụ anyị apụghị ịmụta ọtụtụ ihe site n’ịgụ Bible?

2 Ndị Eze 5:1-27.

Ajụjụ Ndị E Ji Amụ Akwụkwọ A

    Akwukwo Igbo (1984-2025)
    Pụọ
    Banye
    • Igbo
    • Ziga ya
    • Ịgbanwe Ihe
    • Copyright © 2025 Watch Tower Bible and Tract Society of Pennsylvania
    • Ihe Ị Ga-eme na Ihe Ị Na-agaghị Eme
    • Ihe Anyị Ji Ihe Ị Gwara Anyị Eme
    • Kpebie Ihe Ị Ga-agwa Anyị
    • JW.ORG
    • Banye
    Ziga ya