Ihe a bụ otu n’ime akwụkwọ mpịakọta ndị e ji dee Baịbụl. Ihe dị́ n’ebe ndị a gbara okirikiri bụ aha Chineke
Gịnị Ka Baịbụl Kwuru?
Chineke ò nwere aha?
ỤFỌDỤ NDỊ NA-ASỊ na o nweghị aha, ndị ọzọ na-asị na aha ya bụ Chineke ma ọ bụ Onyenwe anyị, ndị ọzọ na-asịkwa na o nwere ọtụtụ aha. Gịnị ka i chere?
IHE BAỊBỤL KWURU
“Gị onwe gị, onye aha gị bụ Jehova, ọ bụ naanị gị bụ Onye Kasị Elu n’ụwa niile.”—Abụ Ọma 83:18.
OLEE IHE ỌZỌ ANYỊ GA-AMỤTA NA BAỊBỤL?
Ọ bụ eziokwu na e nwere ọtụtụ aha a na-etu Chineke, ma, o nwere naanị otu aha ọ gụrụ onwe ya.—Ọpụpụ 3:15.
Anyị ga-amatali onye Chineke bụ; ọ chọrọ ka anyị mata ya.—Ọrụ Ndịozi 17:27.
Anyị mata aha Chineke, o nwere ike ime ka anyị na ya dịwa ná mma.—Jems 4:8.
Ọ̀ dị njọ ịkpọ aha Chineke?
GỊNỊ KA Ị GA-AZA?
Ee
Mba
Mgbe ụfọdụ
IHE BAỊBỤL KWURU
“Ejila aha Jehova bụ́ Chineke gị eme ihe efu.” (Ọpụpụ 20:7) Naanị mgbe ọ dị njọ ịkpọ aha Chineke bụ ma e jiri ya na-egwu egwu.—Jeremaya 29:9.
OLEE IHE ỌZỌ ANYỊ GA-AMỤTA NA BAỊBỤL?
Jizọs ma aha Chineke, kpọọkwa ya.—Jọn 17:25, 26.
Chineke gwara anyị ka anyị na-akpọ aha ya.—Abụ Ọma 105:1.
Ndị iro Chineke chọrọ ka ndị mmadụ chefuo aha ya.—Jeremaya 23:27.