Ihe A Ga-ekwu Banyere Magazin Ndị Ahụ

Ụlọ Nche Oct. 15

“Ọtụtụ mkpebi ndị anyị na-eme na-enwe mmetụta na-adịte aka ná ndụ anyị. Gịnị pụrụ inyere anyị aka izere ime mkpebi ndị amamihe na-adịghị na ha? [Nye ohere maka nzaghachi. Mgbe ahụ gụọ Ilu 3:6.] Mbipụta Ụlọ Nche a na-ekwu banyere ụkpụrụ nduzi ise ndị dabeere na Bible, bụ́ ndị nwere ike inyere anyị aka ime mkpebi ndị amamihe dị na ha.”

Ụlọ Nche Nov. 1

“N’oge ụfọdụ, anyị nile enwewo mgbe mmadụ mebiri ntụkwasị obi anyị nwere n’ebe ọ nọ. Ọ̀ dịtụwo mgbe ị jụrụ onwe gị, sị, ‘Ọ̀ dị onye m pụrụ ịtụkwasị obi?’ [Nye ohere maka nzaghachi. Mgbe ahụ gụọ Ilu 3:5.] Magazin a na-akọwa ihe mere anyị pụrụ iji tụkwasị Chineke obi anyị nile. Ọ na-atụlekwa otú anyị pụrụ isi chọpụta ndị anyị kwesịrị ịtụkwasị obi.”

Teta! Nov. 8

“Ihe ndị e si na mmanụ ala mepụta na-emetụta ihe fọrọ nke nta ka ọ bụrụ akụkụ nile nke ndụ anyị. Ì chewo echiche banyere ihe ndụ gaara adị ka ya ma ọ bụrụ na ha adịghị? [Nye ohere maka nzaghachi.] Magazin a na-atụle òkè dị ukwuu mmanụ ala na-ekere n’ọha mmadụ nke oge a. Ọ na-akọwakwa ihe mere na ọ dịghị anyị mkpa ịtụ egwu na, otu ụbọchị, mmanụ ala ga-agwụ.”