Ihe A Ga-ekwu Banyere Magazin Ndị A

Ụlọ Nche Jan. 15

“Anyị nile chọrọ ka anyị na ụmụ anyị bie ndụ ka mma, ma ọ na-adị ọtụtụ ndị ka ọ dịghị ihe ha pụrụ ime banyere ya. Ì chere na ihe anyị ga-abụ n’ọdịnihu dị anyị n’aka? [Chere ka ọ zaa.] Magazin a gosiri site na Bible na e nwere ihe anyị pụrụ ime banyere ya, na ihe anyị ga-abụ n’ọdịnihu dabeere ná mkpebi ndị anyị na-eme ugbu a.” Gụọ Deuterọnọmi 30:19.

Ụlọ Nche Feb. 1

“Ọ̀ bụ na ọ dịghị ewute gị na a na-emegbu ọtụtụ mmadụ taa ma na-emesokwa ha ihe ike? [Kọọ otu nke mere na nso nso a n’ókèala unu, ma chere ka ọ zaa.] Magazin a kwuru banyere otú Chineke si ele ndụ mmadụ anya. Ọ kọwakwara otú ọ ga-esi napụta anyị n’ahụhụ anyị na-ata n’oge a.” Gụọ Abụ Ọma 72:12-14.

Teta! Feb. 8

“Mgbe anyị na-arịa ọrịa, ọ na-amasị anyị nile ịhụ dọkịta ga-echebara mmetụta anyị echiche. Ma, ì chere na ọtụtụ ndị ọrịa na-echebara mmetụta nke dọkịta ha echiche? [Chere ka ọ zaa.] Magazin a tụlere ihe ịma aka ndị dọkịta na-enwe nakwa ihe ọdịnihu ga-abụrụ ọrụ ịgwọ ọrịa.” Gụọ Aịsaịa 33:24.

“Otu n’ime ihe ịma aka kasịnụ anyị na-enwe taa bụ ịmụta ịchịkwa nchegbu. Í cheghị otú ahụ? [Chere ka ọ zaa.] Bible buru amụma na ọ bụ otú a ka ọ ga-adị kpọmkwem. [Gụọ 2 Timoti 3:1.] Magazin a na-atụ aro ndị dị irè bụ́ ndị pụrụ inyere gị na ezinụlọ gị aka ịmụta ịchịkwa nchegbu.”