Igbe Ajụjụ

◼ Ọ bụrụ na nwanna nwaanyị na nwanna nwoke esoro gaa ịmụrụ mmadụ ihe, ò kwesịrị ike ákwà isi ma o guzoro n’ọnụ ụzọ mụọrọ onye ahụ ihe?

Ọ bụrụ na nwanna nwaanyị na nwanna nwoke esoro gaa na nke onye ọ na-amụrụ Baịbụl, o kwesịrị ike ákwà isi. (1 Kọr. 11:3-10) Ụlọ Nche Julaị 15, 2002, peeji nke 27, kwuru na ebe ọ bụ na o tetụla a mụwaara onye ahụ ihe, ihe onye ahụ na-amụrụ ya ihe na-eme bụ ịkụziri ya ihe. E nwere ike ikwu na onye ahụ dị ka onye na-akụzi ihe n’ọgbakọ. N’ihi ya, ọ bụrụ na nwanna nwaanyị merela baptizim ana-amụrụ mmadụ Baịbụl ebe nwanna nwoke merela baptizim nọ ya, o kwesịrị ike ákwà isi. Ebe ọ sọkwara ha ha nọrọ na-amụ ihe ahụ, nwanna nwaanyị ahụ kwesịrị ike ákwà isi.

Ma, ọ bụrụ na ihe mere nwanna nwaanyị ahụ ji gaa nletaghachi bụ ka o gosi onye ahụ otú anyị si eji akwụkwọ anyị amụrụ mmadụ ihe ma ọ bụ ka ya na ya tụlee otu ebe n’akwụkwọ anyị, ọ bụghị iwu na ọ ga-ekechi isi. Ebe ọ bụ nwayọọ nwayọọ ka e ji amalitere mmadụ ọmụmụ Baịbụl, ya bụ, mgbe anyị garala nletaghachi ugboro ole na ole, onye nkwusa kwesịrị ịma mgbe ọ ga-amalite ikechi isi ma ọ bụrụ na ọ na-eguzo n’ọnụ ụzọ amụrụ mmadụ ihe.