“Ọ Nọghịkwa Ya Ọzọ Taa”
Ì kwutụla ụdị ihe a banyere onye ị gara nletaghachi na nke ya? N’agbanyeghị na ị gaala na nke onye ahụ ugboro ugboro, i nwetabeghị ya n’ụlọ ka i nwee ike ịgba mkpụrụ ị kụrụ mmiri. (1 Kọr. 3:6) Mgbe ụfọdụ, ndị nkwusa bụ́ aka ochie na-edere onye ahụ akwụkwọ ozi ma ọ bụ dee obere ihe n’akwụkwọ fanyere ya n’ọnụ ụzọ. Ụfọdụ na-anara onye ha ziri ozi ọma nọmba ekwentị ya n’ihi na ha ma na e nwere ike ha agaghị enweta ya n’ụlọ. Ha nara ya ya, ha ajụọ ya ma ọ̀ ga-achọ ka ha na-ezitere ya ozi n’ekwentị ya mgbe ụfọdụ. Ma ànyị nwetara onye ahụ n’ụlọ ma ànyị degaara ya akwụkwọ ozi ma ọ bụ zigara ya ozi iimel ma ọ bụ jiri ekwentị zigara ya ozi ma ọ bụ fanyere ya akwụkwọ n’ọnụ ụzọ ma ọ bụkwanụ kpọọ ya n’ekwentị, anyị nwere ike ịgụrụ nletaghachi. Ọ bụrụgodị na ọ na-esi ike inweta ya n’ụlọ, anyị na ya ka nwere ike ịna-ekwu banyere Chineke.