Ịhụnanya Ka E Ji Amata Ezigbo Ndị Kraịst—Soro Eziokwu Ṅụrịa Ọṅụ

IHE MERE O JI DỊ MKPA: Iji ṅomie Jizọs, iwu ji anyị ịgbara eziokwu gbasara nzube Chineke àmà. (Jọn 18:37) Anyị ga na-eso eziokwu ahụ na-aṅụrị ọṅụ, na-ekwu eziokwu, na-echebakwara ihe ọ bụla bụ́ eziokwu echiche, n’agbanyeghị na ụwa anyị bi n’ime ya jupụtara n’ajọ omume na ụgha.—1 Kọr. 13:6; Fil. 4:8.

OTÚ Ị GA-ESI EME YA:

• Kpebisie ike na ị gaghị na-ege ma ọ bụ na-agba asịrị.—1 Tesa. 4:11

• Aṅụrịla ọṅụ n’ihe ọjọọ mere nwanna gị

• Ka ihe ọma na ihe ndị na-agba ume na-eme gị obi ụtọ

LEENỤ VIDIO BỤ́ ‘NWEENỤ ỊHỤNANYA N’ETITI ONWE UNU’—AṄỤRỊLA ỌṄỤ N’IHI AJỌ OMUME, SORO EZIOKWU ṄỤRỊA ỌṄỤ, ZAAKWANỤ AJỤJỤ NDỊ NA-ESONỤ:

• Olee ihe gosiri na Debbie ‘ṅụrịrị ọṅụ n’ihi ajọ omume’?

• Olee otú Alice si mee ka ya na Debbie kwuwe gbasara ihe bara uru?

• Olee ihe ọma ụfọdụ anyị na ndị ọzọ nwere ike ikwurịta banyere ya?