Otú Anyị Ga-esi Na-emekwu Nke Ọma n’Ozi Ọma—Inyere Ndị “Nwere Ezi Obi” Aka Ịghọ Ndị Na-eso Ụzọ

IHE MERE O JI DỊ MKPA: Jehova na-eme ka mkpụrụ eziokwu a kụrụ n’obi ndị niile “nwere ezi obi maka inweta ndụ ebighị ebi” too. (Ọrụ 13:48; 1 Kọr. 3:7) Anyị na ya na-arụkọ ọrụ ma ọ bụrụ na anyị ejiri oge na ike anyị na-enyere ndị na-eme ihe ndị ha na-amụta aka. (1 Kọr. 9:26) Anyị kwesịrị ime ka ndị anyị na-amụrụ Baịbụl ghọta na Onye Kraịst ọ bụla kwesịrị ime baptizim iji nweta nzọpụta. (1 Pita 3:21) Anyị na-enyere ha aka ịghọ ndị na-eso ụzọ ma ọ bụrụ na anyị ana-akụziri ha otú ha ga-esi eme mgbanwe ná ndụ ha, otú e si ekwusa ozi ọma na otú e si akụzi ihe, nakwa otú ha ga-esi enyefe Jehova onwe ha.—Mat. 28:19, 20.

OTÚ Ị GA-ESI EME YA:

• Chetara ndị ị na-amụrụ Baịbụl na ihe mere unu ji na-amụ ihe bụ ka o nyere ha aka “ịmata” Jehova nke ọma nakwa ịmụta ime ihe dị ya mma.—Jọn 17:3

• Nyere ha aka ịmụta otú ha ga-esi akwụsị ịkpa àgwà ọjọọ ụfọdụ ha na-akpa nakwa otú ha ga-esi akwụsị iso ndị ọjọọ na-akpa, ka ha nwee ike inwe ọganihu

• Na-enyere ha aka ime ka okwukwe ha sie ike, na-agbakwa ha ume tupu ha emee baptizim nakwa mgbe ha mechara.—Ọrụ 14:22

LEENỤ VIDIO BỤ́ JEHOVA CHINEKE GA-ENYERE GỊ AKA, ZAAKWANỤ AJỤJỤ NDỊ A:

• Gịnị nwere ike ime ka ụjọ na-atụ ụfọdụ inyefe Chineke onwe ha, e meekwa ha baptizim?

• Olee otú ndị okenye ga-esi enyere onye a na-amụrụ Baịbụl aka inwe ọganihu?

• Gịnị ka ihe e dere n’Aịzaya 41:10 na-akụziri anyị gbasara Jehova?

• Olee àgwà ndị nwere ike inyere anyị aka ife Jehova otú dị ya mma n’agbanyeghị na anyị ezughị okè?