Gbalịa Nweta Ọzụzụ Si n’Aka Jehova

IHE MERE O JI DỊ MKPA: Jehova bụ Onye Ozizi Ukwu anyị. Ihe ọ na-akụziri anyị enweghị atụ. Ọ na-akụziri anyị ihe ndị ga-enyere anyị aka ibi ezigbo ndụ ugbu a nakwa n’ọdịnihu. Ọ naghịkwa atụ anya ka anyị kwụọ ya ụgwọ maka ha. (Aịza. 11:​6-9; 30:​20, 21; Mkpu. 22:17) Ihe ndị a Jehova na-akụziri anyị na-emekwa ka anyị ruo eruo ịkụziri ndị ọzọ ihe ndị ga-azọ ha ndụ.​—2 Kọr. 3:5.

OTÚ Ị GA-ESI EME YA:

• Mụta ịna-adị umeala n’obi.​—Ọma 25:​8, 9

• Nabata ihe ndị Jehova na-akụziri anyị ugbu a, dị ka, ihe ndị a na-akụziri anyị n’ihe omume nwa akwụkwọ a na-eme n’ọmụmụ ihe etiti izu anyị

• Kpebie ihe ndị ị ga-eme n’ofufe Jehova nakwa otú ị ga-esi emezu ha.​—Fil. 3:13

• Gbalịa hapụ ihe ụfọdụ ka i nwee ike iru eru ka a zụkwuo gị n’ọgbakọ Jehova.​—Fil. 3:8

LEENỤ VIDIO BỤ́ IHE JEHOVA KỤZIIRI NDỊ GARA ỤLỌ AKWỤKWỌ NDỊ NA-EKWUSA OZI ỌMA ABAARALA HA ỌTỤTỤ URU, ZAAKWANỤ AJỤJỤ NDỊ A:

• Olee nsogbu ndị nkwusa ụfọdụ meriri iji nwee ike ịga Ụlọ Akwụkwọ Maka Ndị Na-ekwusa Ozi Ọma Alaeze?

• Olee ihe a na-akụziri ndị na-aga Ụlọ Akwụkwọ Maka Ndị Na-ekwusa Ozi Ọma Alaeze?

• Olee otú ndị nọ n’ọgbakọ e zigara ndị gara ụlọ akwụkwọ a si nyere ha aka mgbe ha rutere ebe ahụ ọhụrụ?

• Gịnị ka a chọrọ n’aka ndị chọrọ ịga Ụlọ Akwụkwọ Maka Ndị Na-ekwusa Ozi Ọma Alaeze? (kr 189)

• Olee ụlọ akwụkwọ ndị ọzọ i nwere ike ịchọ ịga ná nzukọ Jehova?