Gịnị Bụ Echiche Jehova?

Tupu anyị emee mkpebi ọ bụla, ma ọ̀ bụ nke dị ntakịrị ma ọ̀ bụ nke buru ibu, ànyị na-ajụ onwe anyị, sị: ‘Gịnị bụ echiche Jehova?’ Ọ bụ eziokwu na anyị agaghị amatali ihe niile bụ́ echiche Jehova, ma, ọ na-esi n’Okwu ya akwadebe anyị “ịrụ ezi ọrụ niile.” (2 Tim. 3:​16, 17; Rom 11:​33, 34) Jizọs maara echiche Jehova nke ọma, jirikwa ya na-ekpebi ihe ọ bụla ná ndụ ya. (Jọn 4:34) Ka anyị ṅomie Jizọs ma mee ike anyị niile iji na-eme mkpebi ndị ga-eme Jehova obi ụtọ.​—Jọn 8:​28, 29; Efe. 5:​15-17.

LEENỤ VIDIO BỤ́ NỌGIDE NA-ACHỌPỤTA IHE BỤ́ UCHE JEHOVA (LEV. 19:18), ZAAKWANỤ AJỤJỤ NDỊ A:

• Olee ihe mere anyị kwesịrị iji na-eme ihe Baịbụl kwuru ná ndụ anyị?

• Olee ndụmọdụ Baịbụl ndị ga-enyere anyị aka ikpebi ụdị egwú anyị ga na-ege?

• Olee ndụmọdụ Baịbụl ndị ga-enyere anyị aka ime mkpebi dị mma n’ihe gbasara uwe na ejiji?

• Olee ebe ndị ọzọ anyị kwesịrị ime ihe Baịbụl kwuru ná ndụ anyị?

• Olee otú anyị ga-esi zụọ onwe anyị ịna-achọpụtakwu ihe bụ́ echiche Jehova?