“Na-echebaranụ Ihe Ndị A Echiche”

Olee ihe ndị ọ bụ? Ndị Filipaị 4:8 sịrị na ha bụ ihe ndị bụ́ eziokwu, ihe ndị dị mkpa, ihe ndị ziri ezi, ihe ndị dị ọcha, ihe ndị na-akpali ịhụnanya, ihe ndị a na-ekwu okwu ọma banyere ya, omume ọma ọ bụla na ihe ndị kwesịrị otuto. Ihe a apụtaghị na ọ bụ naanị ihe ndị dị na Baịbụl ka Ndị Kraịst ga na-eche mgbe niile. Ma, ihe ndị anyị na-atụgharị n’uche kwesịrị ịbụ ihe ndị dị Jehova mma. O kwesịghị ịbụ ihe ndị ga-eme ka o siere anyị ike ịna-erubere Jehova isi.​—Ọma 19:14.

O nwere ike isiri anyị ike izere ịna-eche ihe ndị na-adịghị mma. Anyị na-agba mgba megide ahụ́ anyị na-ezughị okè, tinyere Ekwensu, bụ́ “chi nke usoro ihe a.” (2 Kọr. 4:4) Ọtụtụ ihe a na-eme na tiivi, redio, Ịntanet, na akwụkwọ dị iche iche bụ ihe na-ezighị ezi n’ihi na ha dị n’aka Ekwensu. Ọ bụrụ na anyị anaghị elezi anya ahọrọ ihe ndị anyị na-etinye n’uche anyị, ọ ga-eme ka anyị na-eche ihe ndị na-ezighị ezi, meekwa ka anyị na-akpa àgwà ndị na-adịghị mma.​—Jems 1:​14, 15.

LEENỤ VIDIO BỤ́ ZERE IHE NDỊ GA-EME KA Ị KWỤSỊ IGUZOSI IKE N’EBE JEHOVA NỌ​—IHE NTỤRỤNDỤ NA-EKWESỊGHỊ EKWESỊ, ZAAKWANỤ AJỤJỤ NDỊ A:

• 

  Gịnị ka nwanna nwoke ahụ nọ na-ele n’ekwentị ya, oleekwa otú o si kpaa ya aka ọjọọ?

• 

  Olee otú Ndị Galeshia 6:​7, 8 na Abụ Ọma 119:37 si nyere ya aka?