Otú Ihe E Dere n’Etiti Peeji Ga-esi Abara Gị Uru

Ihe e dere n’etiti peeji Baịbụl Nsọ nke Nsụgharị Ụwa Ọhụrụ na-egosi na Baịbụl na-ekwu otu ihe. E depụtara amaokwu Baịbụl ndị ọzọ kwuru gbasara ihe a na-ekwu maka ya ma ọ bụ kọkwuo gbasara ya. Ị chọọ ịhụ ihe e dere n’etiti peeji, buru ụzọ lee obere abịịdịị dị n’akụkụ okwu. Ọ bụrụ na Baịbụl nke e biri ebi, chọtazie nke ya na ya bụ otu n’etiti Baịbụl ka ị hụ amaokwu Baịbụl ndị kwuru gbasara ihe ahụ. Ọ bụrụ na jw.org ma ọ bụ na JW Library®, pịa abịịdịị ahụ e dere n’akụkụ okwu ahụ ka ị hụ amaokwu Baịbụl ndị dị na ya.

Ihe e dere n’etiti peeji nwere ike inyere gị aka ịchọta ihe ndị e dere n’okpuru ebe a nakwa ihe ndị ọzọ:

Ebe Ọzọ A Kọrọ Akụkọ Ahụ na Baịbụl: Amaokwu Baịbụl e dere ebe ahụ ga-egosi gị ebe ọzọ a kọrọ akụkọ ahụ. Dị ka ihe atụ, gụọ 2 Samuel 24:1 na 1 Ihe E Mere 21:1.

Ebe E Bu Ụzọ Kwuo Okwu Ahụ: Amaokwu Baịbụl ndị ị ga-ahụ ebe ahụ ga-egosi gị ebe e si nweta okwu e kwuru n’ebe ahụ. Dị ka ihe atụ, gụọ Matiu 4:4 na Diuterọnọmi 8:3.

Otú Amụma E Buru Si Mezuo: Amaokwu Baịbụl ndị e dere ebe ahụ nwere ike igosi gị otú amụma e buru si mezuo. Dị ka ihe atụ, gụọ Matiu 21:5 na Zekaraya 9:9.