Ihe E Dere n'Ala Ala Peeji

b E nyere nkọwa zuru ezu nke nkwado ndị ụkọchukwu kwadoro Agha Ụwa Mbụ n’akwụkwọ bụ́ Preachers Present Arms, nke Ray H. Abrams dere (New York, 1933). Akwụkwọ ahụ na-asị: “Ndị ụkọchukwu nyere agha ahụ iko ọkụ ya dị mkpa nke ime mmụọ na nkwali. . . . Agha ahụ n’onwe ya bụ agha dị nsọ maka ịkwalite Alaeze Chineke n’elu ụwa. Mmadụ inye ndụ ya maka mba ya bụ inye ya Chineke na Alaeze Ya. Chineke na mba ghọrọ otu ihe ahụ. . . . Ndị Germany na Njikọ Britain na Ndị Òtù Ya dị n’otu n’akụkụ nke a. Akụkụ nke ọ bụla kwere na Chineke nọnyeere nanị ha . . . Ihe ka ná ndị ọkà mmụta okpukpe enweghị ihe isi ike ọ bụla idebe Jisọs n’ihu ihu nke ebe agha kasị kpụrụ ọkụ n’ọnụ iduru ndị agha ya ruo ná mmeri. . . . Chọọchị si otú a bụrụ akụkụ siri ike nke usoro agha ahụ. . . . Ndị ndú [chọọchị] egbughị oge ọ bụla n’ịhazisị onwe ha nke ọma n’ihe banyere oge agha. N’ime iri hour abụọ na anọ ahụ a kpọsasịrị mmalite nke agha, òtù Federal Council of the Churches of Christ in America mere atụmatụ maka inye nkwado kasị zuo ezu. . . . Ọtụtụ chọọchị mere karịa otú a sịrị ha mee. Ha ghọrọ ebe a na-edebanye aha ndị ga-eje agha.”​—⁠Peji nke 53, 57, 59, 63, 74, 80, 82.