Ihe E Dere n'Ala Ala Peeji

c Otú Luk si dee ọnwụnwa atọ ahụ dị iche n’otú Matiu si dee ha. Ọ ga-abụ na Matiu dere ha n’usoro ha si mee. Lee ihe atọ mere anyị ji kwuo otú ahụ. (1) Ihe mbụ Matiu kwuru mgbe ọ na-akọ gbasara ọnwụnwa nke abụọ bụ “Ekwensu wee kpọrọ ya.” Ọ na-egosi na ọnwụnwa a sochiri nke mbụ. (2) Setan ji aghụghọ bịa n’ọnwụnwa abụọ ọ nwara Jizọs, ihe mbụ o kwuru na ha bụ: “Ọ bụrụ na ị bụ ọkpara Chineke.” Ọ ga-aka adaba ababa na ọ bụ mgbe Ekwensu jichara aghụghọ nwaa ya ugboro abụọ ka ọ ga-agwazi ya hoo haa ka o nupụ isi n’iwu mbụ Chineke nyere. (Ọpụ. 20:2, 3) (3) Ihe Jizọs kwuru, ya bụ, “Si ebe a pụọ, Setan!” ga-akacha adaba adaba mgbe Setan nwachara ya ọnwụnwa nke atọ bụ́ nke ikpeazụ.—Mat. 4:5, 10, 11.