Ihe E Dere n'Ala Ala Peeji

a Donatism bụ ịrọ òtù “ndị Kraịst” nke narị afọ nke anọ na nke ise O.A. Ndị òtù ya zọọrọ na izi ezi nke sakramenti dabeere n’àgwà ọma nke ụkọchukwu nakwa na chọọchị aghaghị iwepụ ndị ikpe ajọ mmehie mara site n’òtù ya. Òtù Arius bụ òtù “ndị Kraịst” nke narị afọ nke anọ ndị jụrụ ịbụ chi nke Jisọs Kraịst. Arius kụziri na Chineke bụ onye a na-amụghị amụ na onye na-enweghị mmalite. Ọkpara ahụ, n’ihi na a mụrụ ya amụ, apụghị ịbụ Chineke n’otu echiche ahụ nke Nna ya bụ. Ọkpara ahụ adịghị adị site na mgbe nile ebighị ebi kama e kere ya eke, ọ na-adịkwa ndụ site n’ọchịchọ nke Nna ya.