3. Olee otú mmadụ si dị iche n’ụmụ anụmanụ?

Mgbe Jehova kechara ụwa, o kere ihe ndị dị ndụ dị na ya. O bu ụzọ kee ahịhịa na osisi dị iche iche na ụmụ anụmanụ. O mechakwara “kee mmadụ n’oyiyi ya.” (Gụọ Jenesis 1:27.) Olee otú mmadụ si dị iche n’ụmụ anụmanụ? Ebe ọ bụ na Chineke kere anyị n’oyiyi ya, anyị ga-emeli ka ya, dị ka ịhụ ndị ọzọ n’anya na ikpe ikpe ziri ezi. O kekwara anyị otú anyị ga-enwe ike ịna-amụta asụsụ dị iche iche, otú ịhụ ihe mara mma ga na-amasị anyị, nakwa otú egwú ga na-atọ anyị ụtọ. Anyị nwekwara ike ife Chineke, ma ụmụ anụmanụ enweghị ike ife ya.

6. Chineke kere mmadụ otú pụrụ iche

Anyị dị iche n’ụmụ anụmanụ Jehova kere. Gụọnụ Jenesis 1:26. Unu gụchaa ya, unu eleba anya n’ajụjụ a:

• Ebe ọ bụ na Chineke kere anyị n’oyiyi ya, olee ihe otú anyị si ahụ ndị ọzọ n’anya na otú anyị si emetere ha ebere na-akụziri anyị gbasara ụdị onye Chineke bụ?