• Olee Otú Ihe Ndị Dị Ndụ Si Malite Ịdị?
    Na-enwe Obi Ụtọ Ruo Mgbe Ebighị Ebi—Ihe Ga-enyere Gị Aka Ịmụ Baịbụl

    • 3. Olee otú mmadụ si dị iche n’ụmụ anụmanụ?

      Mgbe Jehova kechara ụwa, o kere ihe ndị dị ndụ dị na ya. O bu ụzọ kee ahịhịa na osisi dị iche iche na ụmụ anụmanụ. O mechakwara “kee mmadụ n’oyiyi ya.” (Gụọ Jenesis 1:27.) Olee otú mmadụ si dị iche n’ụmụ anụmanụ? Ebe ọ bụ na Chineke kere anyị n’oyiyi ya, anyị ga-emeli ka ya, dị ka ịhụ ndị ọzọ n’anya na ikpe ikpe ziri ezi. O kekwara anyị otú anyị ga-enwe ike ịna-amụta asụsụ dị iche iche, otú ịhụ ihe mara mma ga na-amasị anyị, nakwa otú egwú ga na-atọ anyị ụtọ. Anyị nwekwara ike ife Chineke, ma ụmụ anụmanụ enweghị ike ife ya.

  • Olee Otú Ihe Ndị Dị Ndụ Si Malite Ịdị?
    Na-enwe Obi Ụtọ Ruo Mgbe Ebighị Ebi—Ihe Ga-enyere Gị Aka Ịmụ Baịbụl

    • 5. Ihe Baịbụl kọrọ gbasara otú e si kee ihe enweghị mgbagha

      Na Jenesis isi mbụ, Baịbụl kwuru otú e si kee ụwa nakwa otú ihe ndị dị ndụ dị na ya si malite ịdị. Obi ò siri gị ike na ihe ahụ o kwuru bụ eziokwu, ka ì chere na ọ bụ akụkọ ifo? Kpọnyenụ VIDIO a. Unu lechaa ya, unu eleba anya n’ajụjụ ndị a:

      VIDIO: Vidio si na vidio bụ́ È Kere Eluigwe na Ụwa Eke? (3:51)

      Foto abụọ si na vidio bụ́ ‘È Kere Eluigwe na Ụwa Eke?’ 1. Otú ụbọchị nke ọ bụla n’ụbọchị isii e ji kee ihe dị ma a nọrọ n’ụwa na-ele ya. 2. Otú ụwa dị mgbe ụbọchị nke isii e ji kee ihe gachara. Anwụ na-acha n’ụwa, e nwekwara elu ala, mmiri, ahịhịa, osisi, nnụnụ, ụmụ anụmanụ, na mmadụ.

      • Baịbụl ò kwuru na ọ bụ ụbọchị isii nkịtị ka e ji kee ụwa na ihe ndị dị ndụ dị na ya?

      • Ì chere na ihe Baịbụl kwuru gbasara otú e si kee ihe dabara adaba, rijuokwa afọ? Gịnị mere i ji zaa ihe ị zara?

      Gụọnụ Jenesis 1:1. Unu gụchaa ya, unu eleba anya n’ajụjụ a:

      • Ndị sayensị na-ekwu na eluigwe na ụwa nwere mmalite. Olee otú ihe a ha na-ekwu si akwado ihe anyị gụrụ n’amaokwu a?

      Ụfọdụ ndị na-eche na ọ ga-abụ na Chineke kere otu ihe, ihe ahụ aghọzie ụdị ihe dị iche iche. Gụọnụ Jenesis 1:21, 25, 27. Unu gụchaa ya, unu eleba anya n’ajụjụ ndị a:

      • Baịbụl ọ̀ sịrị na Chineke kere otu obere ihe dị ndụ, ihe ahụ aghọzie azụ̀, anụmanụ dị iche iche, na mmadụ? Ka ọ̀ sịrị na ọ bụ Chineke kere ihe niile dị ndụ “n’ụdị ha dị iche iche”?