5. Ihe Jehova chọrọ ka ndị enyi ya na-eme

E nwere ihe ụfọdụ anyị na-achọ ka ndị enyi anyị na-eme.

• Olee ihe ụfọdụ ị na-achọ ka ndị enyi gị na-emere gị?

Gụọnụ 1 Jọn 5:3. Unu gụchaa ya, unu eleba anya n’ajụjụ a:

• Gịnị ka Jehova chọrọ ka ndị enyi ya na-eme?

Anyị chọọ ịna-erubere Jehova isi, anyị kwesịrị ịhapụ ihe na-adịghị mma anyị na-eme. Gụọnụ Aịzaya 48:17, 18. Unu gụchaa ya, unu eleba anya n’ajụjụ a:

• Gịnị mere Jehova ji gwa ndị enyi ya ka ha hapụ ihe na-adịghị mma ha na-eme?

Ọ̀ na-adị gị ka gị na Chineke dịzi ná mma kemgbe ị malitere ịmụ Baịbụl? Ị̀ ga-achọ ịna-agba mbọ ka gị na ya dịkwuo ná mma? Ọ bụrụ otú ahụ, cheta na ọ bụrụ na anyị ana-ahụkwu Jehova n’anya, yanwa ga-ahụkwu anyị n’anya, na-elekọtakwa anyị. Olee otú ị ga-esi gosi ya na ị hụrụ ya n’anya?

1. Olee otú anyị ga-esi gosi Jehova na anyị hụrụ ya n’anya?

Otú anyị si egosi na anyị hụrụ Jehova n’anya bụ ịna-erubere ya isi. (Gụọ 1 Jọn 5:3.) Ọ naghị amanye anyị ka anyị na-erubere ya isi. Kama, ọ na-ahapụ onye ọ bụla n’ime anyị ikpebi ma ọ̀ ga na-erubere ya isi ka ọ̀ bụ na ọ gaghị. Maka gịnị? Ọ bụ maka na Jehova chọrọ ka anyị ‘jiri obi anyị na-erubere ya isi.’ (Ndị Rom 6:17) Ihe ọ pụtara bụ na ọ chọrọ ka ị na-erubere ya isi maka na ị hụrụ ya n’anya, ọ bụghị maka na ọ bụ ihe i kwesịrị ime. E dere nkebi nke 3 na nke 4 n’akwụkwọ a ka ha nyere gị aka ịna-eme ihe dị Jehova mma ma hapụ ihe na-adịghị ya mma, si otú ahụ gosi na ị hụrụ ya n’anya.

2. Gịnị mere igosi Jehova na anyị hụrụ ya n’anya nwere ike iji siere anyị ike?

Baịbụl sịrị na “ọtụtụ nsogbu na-abịara onye ezi omume.” (Abụ Ọma 34:19) E nweghị onye n’ime anyị zuru okè. Ihe nwere ike siere anyị ike, e nwere ike ịna-emegbu anyị, nsogbu ndị ọzọ nwekwara ike ịbịara anyị. Nsogbu bịara anyị, o nwere ike isiri anyị ike ime ihe Jehova kwuru n’ihi na ime ihe na-adịghị ya mma nwere ike ịdịrị anyị mfe. Ma, ọ bụrụ na i jiri obi gị niile mee ihe Jehova gwara gị, ị na-egosi na ị hụrụ ya n’anya karịa ihe ọ bụla ọzọ. Ị na-egosikwa na i jisiri ya aka ike. Yanwa ga-ejisikwa gị aka ike. O mekataghị hapụ gị.​—Gụọ Abụ Ọma 4:3.

4. Mee Jehova obi ụtọ

Gụọnụ Ilu 27:11. Unu gụchaa ya, unu eleba anya n’ajụjụ ndị a:

• Olee otú obi ga-adị Jehova ma ị mara ihe ma na-erubere ya isi? Maka gịnị?

5. Ị ga-erubeliri Jehova isi

VIDIO: Jisie Okwukwe Gị Ike n’Agbanyeghị Mmegide (5:09)

• È nwere oge ụfọdụ ụjọ na-atụ gị ịgwa ndị ọzọ gbasara Jehova?

• Na vidio a anyị lere, gịnị nyeere Grayson aka ịkwụsị ịtụ ụjọ?

Ọ bụrụ na ọ bụ ihe ndị na-amasị Jehova na-amasị anyị, ọ bụrụkwa na anyị akpọọ ihe ndị ọ kpọrọ asị asị, irubere ya isi ga-adịrị anyị mfe. Gụọnụ Abụ Ọma 97:10. Unu gụchaa ya, unu eleba anya n’ajụjụ ndị a:

• Olee ụfọdụ n’ime ihe ndị ị mụtarala na ha na-amasị Jehova? Olee ụfọdụ n’ime ihe ndị ọ kpọrọ asị?

• Olee ihe ga-enye aka mee ka ihe dị mma na-amasị gị, meekwa ka ị kpọọ ihe ọjọọ asị?

6. Irubere Jehova isi na-abara anyị uru

Irubere Jehova isi na-abara anyị uru mgbe niile. Gụọnụ Aịzaya 48:17, 18. Unu gụchaa ya, unu eleba anya n’ajụjụ ndị a:

• Ì chere na obi kwesịrị isi anyị ike na Jehova ma ihe ga-akacha abara anyị uru mgbe niile? Gịnị mere i ji chee otú ahụ?

• Olee uru ịmụ Baịbụl na ịmụ gbasara ezi Chineke, bụ́ Jehova, baarala gị?

NCHỊKỌTA

Ị ga-egosi na ị hụrụ Jehova n’anya ma ọ bụrụ na ị na-erubere ya isi, jidesiekwa ya aka ike ọ bụrụgodị na ime otú ahụ na-esiri gị ike.

Ajụjụ ndị e ji echeta ihe a mụrụ

• Gịnị ka ị mụtara n’akụkọ a kọrọ gbasara Job?

• Olee otú ị ga-esi gosi Jehova na ị hụrụ ya n’anya?

• Gịnị ga-enyere gị aka ka ị ghara ịkwụsị irubere Jehova isi?

IHE Ị GA-ELEBAKWU ANYA

Chọpụta ihe ga-enyere gị aka ịna-erubere Jehova isi nakwa ihe ga-enyere gị aka ịna-eme ihe ọgbakọ ya kwuru.

“Onye Na-eguzosi Ike n’Ihe Ka Ị Ga-eji Iguzosi Ike n’Ihe Meso Ihe” (16:49)

Chọpụtakwuo gbasara ebubo Setan boro ụmụ mmadụ.

“Job Nọgidere Na-eme Ihe Ziri Ezi” (Baịbụl​—Gịnị Ka Ọ Na-ekwu? nkebi nke 6)

Chọpụta otú mmadụ nwere ike isi gosi na ọ hụrụ Jehova n’anya a sịgodị na ọ bụ onye na-eto eto.

Mee Jehova Obi Ụtọ (8:16)

Olee ihe ga-enyere ndị na-eto eto aka ịna-erubere Chineke isi ọ bụrụgodị na ndị ọgbọ ha na-enye ha nsogbu ka ha na-enupụrụ ya isi?

Ekwela Ka Ndị Ọgbọ Gị Rafuo Gị (3:59)

Anyị niile nwere ihe dị iche iche anyị kwesịrị ikpebi. Ọtụtụ n’ime mkpebi ndị a nwere ike ịbara anyị uru ma ọ bụ ghọọ anyị ahịa. Ha nwekwara ike ime ka anyị na Jehova dịrị ná mma ma ọ bụkwanụ gharazie ịdị ná mma. Dị ka ihe atụ, anyị nwere ike ikpebi ebe anyị ga-ebi, ihe anyị ga-eji na-akpa afọ anyị, ma ànyị ga-alụ di ma ọ bụ ma ànyị ga-alụ nwaanyị. Ikpebi ihe dị mma nwere ike ime ka anyị na-enwe obi ụtọ ma na-eme ihe Jehova chọrọ.

1. Olee otú Baịbụl nwere ike isi nyere gị aka ịna-ekpebi ihe dị mma ị ga-eme?

Tupu gị ekpebie ihe ị ga-eme, rịọ Jehova ka o nyere gị aka. Mụọkwa Baịbụl ka ị mata otú o si ele ihe ị chọrọ ikpebi anya. (Gụọ Ilu 2:3-6.) Mgbe ụfọdụ, Jehova na-enye iwu kwuru hoo haa ihe a ga-eme. Ọ dị otú a, ihe kacha mma ị ga-eme bụ ime ihe ahụ o kwuru.

Ma, gịni ka ị ga-eme ma ọ bụrụ na e nweghị iwu doro anya dị na Baịbụl kwuru ihe ị ga-eme? Jehova ka ga-enyere gị aka ịma ‘ụzọ i kwesịrị iso.’ (Aịzaya 48:17) Olee otú ọ ga-esi enyere gị aka? Ihe ụfọdụ Baịbụl kwuru nwere ike inyere gị aka. Ihe ndị a Baịbụl kwuru bụ eziokwu ndị na-enyere anyị aka ịmata otú Chineke si ele ihe anya na otú o si eche echiche. Ọtụtụ mgbe, anyị na-amata otú Chineke si ele otu ihe anya ma anyị gụọ ebe ụfọdụ na Baịbụl. Ọ bụrụ na anyị achọpụta otú Jehova si ele ihe anya, ọ ga-enyere anyị aka ikpebi ihe ga-adị ya mma.

2. Olee ihe ndị i kwesịrị ichebara echiche tupu i kpebie ihe ị ga-eme?

Baịbụl sịrị na “onye ma ihe na-echebara ihe ọ bụla ọ chọrọ ime echiche.” (Ilu 14:15) Ihe a pụtara na tupu anyị ekpebie ihe ọ bụla, anyị kwesịrị ịnọdụ ala chebara ya echiche. Ka ị na-echebara ya echiche, jụọ onwe gị, sị: ‘Olee ihe Baịbụl kwuru ga-enyere m aka ịma ihe m ga-eme? Olee ihe m ga-ekpebi ga-eme ka obi ruo m ala? Olee otú ihe a m chọrọ ikpebi ga-esi gbasa ndị ọzọ? Nke ka nke, ihe a m chọrọ ikpebi, ọ̀ ga-eme Jehova obi ụtọ?’​—Diuterọnọmi 32:29.

Jehova nwere ikike ịgwa anyị ihe bụ́ ihe ọma na ihe bụ́ ihe ọjọọ. Ọ bụrụ na anyị amara iwu Chineke na ihe ndị o kwuru na Baịbụl, kpebiekwa ịna-eme ha, anyị si otú ahụ azụ akọnuche anyị. Akọnuche bụ ihe Chineke kenyere anyị n’ahụ́ nke na-agwa anyị ihe dị mma na ihe na-adịghị mma. (Ndị Rom 2:​14, 15) Anyị ga na-ekpebi ihe dị mma ma ọ bụrụ na anyị azụọ akọnuche anyị nke ọma.

MỤTAKWUO IHE

3. Kwere ka Baịbụl nyere gị aka mgbe ị chọrọ ikpebi ihe

VIDIO: Kwee Ka Ụkpụrụ Baịbụl Na-eduzi Gị (5:54)

• Gịnị ka Jehova hapụrụ anyị ka anyị na-emere onwe anyị?

• Gịnị mere Jehova ji hapụ anyị ka anyị na-ekpebiri onwe anyị ihe anyị ga-eme?

• Olee ihe o nyere anyị ga-enyere anyị aka ịna-ekpebi ihe ga-akacha baara anyị uru?

Unu chọọ ịhụ otu n’ime ihe ndị Baịbụl kwuru nwere ike ịbara anyị uru, gụọnụ Ndị Efesọs 5:15, 16. Unu gụchaa ya, unu eleba anya n’otú unu ga-esi ‘jiri oge unu na-eme ihe kacha mkpa’ n’ihe gbasara . . .

• ịna-agụchi Baịbụl anya.

• ịbụ ezigbo di ma ọ bụ ezigbo nwunye, ịbụ ezigbo nne ma ọ bụ ezigbo nna, nakwa ịbụ ezigbo nwa.

• ịna-aga ọmụmụ ihe.

4. Zụọ akọnuche gị ka o nyere gị aka ịna-ekpebi ime ihe dị mma

VIDIO: ‘Nweenụ Ezi Akọnuche’ (5:13)

• Olee ihe ndị nwanna nwaanyị anyị lere na vidio a mere iji zụọ akọnuche ya na iji kpebie ihe ga-eme Jehova obi ụtọ?

Gịnị mere na anyị ekwesịghị ịgwa ndị ọzọ ka ha kpebiere anyị ihe anyị kwesịrị ikpebi? Gụọnụ Ndị Hibru 5:14. Unu gụchaa ya, unu eleba anya n’ajụjụ ndị a:

• Ọ bụ eziokwu na ịhapụ ndị ọzọ ka ha kpebiere anyị ihe nwere ike yie ihe dị mfe ime, gịnị ka anyị kwesịrị ịmata n’onwe anyị?

• Olee ihe ndị anyị nwere, ndị ga-enyere anyị aka ịna-azụ akọnuche anyị ka anyị nwee ike ịna-ekpebi ime ihe dị mma?

5. Hapụ ndị ọzọ ka ha mee ihe akọnuche ha gwara ha

Ihe otu onye kpebiri ime nwere ike ịdị iche n’ihe onye ọzọ kpebiri ime. Olee otú anyị ga-esi hapụ ndị ọzọ ka ha mee ihe akọnuche ha gwara ha? Chegodị gbasara ihe atụ abụọ a:

Ihe atụ nke mbụ: Otu nwanna nwaanyị itecha ntecha na-amasị gafere ọgbakọ ọzọ ma chọpụta na itecha ntecha na-ewe ọtụtụ ụmụnna nwaanyị nọ na ya iwe.

Gụọnụ Ndị Rom 15:1 na 1 Ndị Kọrịnt 10:23, 24. Unu gụchaa ha, unu eleba anya n’ajụjụ ndị a:

• Gịnị ka nwanna nwaanyị ahụ nwere ike ikpebi ime n’ihi ihe amaokwu ndị a kwuru? Olee otú ị ga-esi eme ihe amaokwu ndị a kwuru ma ọ bụrụ na akọnuche onye gị na ya nọ anabataghị ya ime ihe ndị akọnuche gị nabatara gị ime?

Ihe atụ nke abụọ: Otu nwanna kpebiri na ya agaghị na-aṅụ mmanya na-aba n’anya n’agbanyeghị na ọ ma na Baịbụl ekwughị na ịṅụru ya n’ókè bụ ihe ọjọọ. Ma mgbe ọ gara otu oriri, ọ hụrụ ụmụnna ndị ọzọ ka ha na-aṅụ mmanya na-aba n’anya.

Gụọnụ Ekliziastis 7:16 na Ndị Rom 14:1, 10. Unu gụchaa ha, unu eleba anya n’ajụjụ a:

• Olee otú ị ga-esi eme ihe amaokwu ndị a kwuru ma ọ bụrụ na ị hụ ka ndị ọzọ na-eme ihe akọnuche gị na-anabataghị?

Olee ihe ndị ga-enyere anyị aka ịna-ekpebi ihe dị mma?

1.Rịọ Jehova ka o nyere gị aka ikpebi ihe ị ga-eme.​—Jems 1:5.

2.Mee nchọnchọ na Baịbụl nakwa n’akwụkwọ ndị e ji amụ Baịbụl ka ị mata ihe Baịbụl kwuru gbasara ihe ahụ ị chọrọ ikpebi. I nwekwara ike ịjụ Ndị Kraịst ma nke a na-akọ ihe ha chere.

3.Chee gbasara ihe ihe ahụ ị chọrọ ikpebi nwere ike ime akọnuche gị nakwa akọnuche ndị ọzọ.

NCHỊKỌTA

Ihe ga-eme ka anyị kpebie ihe dị mma bụ ibu ụzọ chọpụta otú Jehova ga-esi ele ihe ahụ anya, cheekwa ma ihe ahụ ọ̀ ga-abara ndị ọzọ uru ka ọ̀ ga-emebiri ha ihe.

Ajụjụ ndị e ji echeta ihe a mụrụ

• Olee ihe ga-enyere anyị aka ịna-ekpebi ihe ndị na-amasị Jehova?

• Olee otú ị ga-esi zụọ akọnuche gị?

• Olee otú ị ga-esi gosi na ị na-ahapụ ndị ọzọ ka ha mee ihe akọnuche ha gwara ha?

IHE Ị GA-ELEBAKWU ANYA

Gịnị ka anyị ga-eme ka ihe ndị anyị na-ekpebi ime mee ka anyị na Chineke dịrịkwuo ná mma?

“Mee Mkpebi Ndị Na-ewetara Chineke Otuto” (Ụlọ Nche, Eprel 15, 2011)

Chọpụtakwuo otú Jehova si akụziri anyị ihe.

Jehova Na-eduzi Ndị Ya (9:50)

Chọpụta ihe ndị nyeere otu nwoke aka ikpebi otu ihe siiri ya ike ikpebi.

Ihe Ọma Niile Jehova Na-enye Anyị Bụ Ihe E Ji n’Aka (5:46)

Chọpụtakwuo otú anyị nwere ike isi mee ihe dị Jehova mma mgbe ọ na-enyeghị iwu a kapịrị ọnụ gbasara otu okwu.

“Iwu Bible Ọ̀ Dị Gị Mkpa n’Ihe Nile?” (Ụlọ Nche, Disemba 1, 2003)