Eze ahụ malitekwara ịtụ egwu Chineke. O biliri n’ocheeze ya, yipụ uwe eze ya, yiri nkịrịka ákwà ndị obodo ya yi, ọbụna “nọdụ ala ná ntụ.” Ya na “ndị ukwu” ya nyere iwu ka ọnụ ahụ ndị mmadụ malitere ibu n’onwe ha ghọzie iwu eze. O nyere iwu ka mmadụ niile, ọbụna anụ ụlọ, yiri ákwà iru uju.c O wedara onwe ya ala ma kweta na ndị ya bụ ndị mmehie na ndị na-eme ihe ike. O kwukwara na ya nwere olileanya na iwe Chineke ga-ajụrụ mgbe ọ hụrụ na ha echegharịala, bụ́ nke mere o ji kwuo, sị: “Chineke . . . ga-alaghachi azụ ma gbanwee obi ya wee mee ka iwe ya dị ọkụ dajụọ, anyị ewee ghara ịla n’iyi.”—Jona 3:6-9.