12, 13. Ihe ndị dị aṅaa nyewooro ụfọdụ ndị aka taa ịmara onwe ha? (Lee igbe.)

¹² “Mgbe ọ maara onwe ya ọ sị, Ọtụtụ ndị e goro ọrụ ole nke nna m nwebigara ogbe achịcha ókè, ma mụ onwe m na-ala n’iyi n’oké agụụ n’ebe a! M ga-ebili jekwuru nna m, m ga-asịkwa ya, Nna, emehiewo m megide eluigwe, na n’ihu gị: ekwesịghị m ka a kpọọkwa m nwa gị ọzọ: mee m ka m dị ka otu onye n’ime ndị nke gị e goro ọrụ. O wee bilie, bịakwute nna ya.”—Luk 15:17-20.

14. Mkpebi dị aṅaa ka nwa mmefu ahụ mere, oleekwa otú o si gosi ịdị umeala n’obi n’ime n’otú ahụ?

¹⁴ Ma gịnị ka ndị kpafuworonụ pụrụ ime banyere ọnọdụ ha? N’ilu Jisọs nwa mmefu ahụ kpebiri ime njem laghachi ụlọ ma rịọ nna ya mgbaghara. “Mee m ka m dị ka otu onye n’ime ndị nke gị e goro ọrụ,” ka nwa mmefu ahụ kpebiri ikwu. Ohu e goro ọrụ bụ onye e goro ọrụ ụbọchị bụ́ onye a pụrụ ịchụ n’ọrụ nanị otu ụbọchị mgbe a gwasịrị ya. Nke a dị ala ọbụna karịa ohu, bụ́ onye dị ka onye òtù ezinụlọ, n’otu echiche. Ya mere nwa mmefu ahụ ebughị n’uche ịrịọ ka e weghachi ya n’ọkwá mbụ ya dị ka nwa. Ọ ga-adị nnọọ njikere ịnakwere ọnọdụ kasị ala iji gosipụta nguzosi ike n’ihe e mere ka ọ dị ọhụrụ nye nna ya kwa ụbọchị. Otú ọ dị, nwa mmefu ahụ na-aga inweta ihe ijuanya.