AJỤJỤ NKE 6
Olee amụma ndị dị na Baịbụl gbasara Mezaya?
AMỤMA
“Gịnwa, Betlehem Efrata, . . . ọ bụ na gị ka onye m ga-eme eze Izrel ga-esi pụta.”
OTÚ O SI MEZUO
“Mgbe a mụrụ Jizọs na Betlehem nke Judia n’oge Herọd na-achị, ndị ji kpakpando akọ ihe ga-eme n’ọdịnihu si n’Ebe Ọwụwa Anyanwụ bịa Jeruselem.”
AMỤMA
“Ha kere uwe m, ha fekwaara uwe m nza.”
OTÚ O SI MEZUO
“Mgbe ndị agha ahụ kpọgidere Jizọs n’osisi, ha chịịrị uwe elu ya ma kee ya ụzọ anọ . . . Ma uwe ime ya enweghị ebe a dụkọtara ya n’ihi na a kpara ya akpa si n’elu ruo n’ala. Ha gwara ibe ha, sị: ‘Ka anyị ghara ịdọwa ya adọwa, kama ka anyị fee nza iji mata onye ọ ga-abụ nke ya.’”
AMỤMA
“Ọ na-echebe ọkpụkpụ ya niile. E nweghị otu n’ime ha a gbajiri agbaji.”
OTÚ O SI MEZUO
“Ma mgbe ha rutere n’ebe Jizọs nọ, ha hụrụ na ọ nwụọla. N’ihi ya, ha akụjisịghị ya ụkwụ.”
AMỤMA
“A mara ya ube n’ihi mmehie anyị.”
OTÚ O SI MEZUO
“Ma otu n’ime ndị agha ahụ mara ya ube n’akụkụ. Ozugbo ahụ, ọbara na mmiri gbapụtara.”
AMỤMA
‘Ha kwụrụ m ụgwọ ọrụ m, mkpụrụ ego ọlaọcha iri atọ.’
OTÚ O SI MEZUO
“Otu n’ime ndịozi ya iri na abụọ, onye aha ya bụ Judas Iskarịọt, gakwuuru ndị isi nchụàjà wee sị ha: ‘Gịnị ka unu ga-enye m ka m rara ya nye n’aka unu?’ Ha wee kwekọrịta inye ya mkpụrụ ego ọlaọcha iri atọ.”