E Nwere Ike Ịzọpụta Anyị n’Iwe Chineke

4, 5. Gịnị na-egosi na ọnụma Chineke na-adịgide n’usoro ihe ọjọọ dị ugbu a?

⁴ Baịbụl na ihe ndị merela eme gosiri na “ọnụma Chineke na-adịgide n’ahụ́” ụmụ mmadụ kemgbe Adam mehiere. (Jọn 3:36) Ihe gosiri na nke a bụ eziokwu bụ na ụmụ mmadụ na-anwụ anwụ. Ọchịchị Setan enweghị ike ịnapụta ụmụ mmadụ n’ihe ọjọọ na-eme ha, o nweghịkwa ọchịchị mmadụ nke nwere ike igboro ndị niile ọ na-achị mkpa ha. (1 Jọn 5:19) Ọ bụ ya mere agha, ime mpụ, na ịda ogbenye ji na-akpa ụmụ mmadụ aka ọjọọ.

⁷ Pọl onyeozi kwuru na Jizọs “ga-anapụta anyị n’ọnụma ahụ nke na-abịanụ.” (1 Tesa. 1:10) Oge Jehova ga-ewesa ụwa iwe ikpeazụ, ọ ga-ebibi ndị mmehie na-achọghị ichegharị. (2 Tesa. 1:6-9) Ole ndị ka ọ na-agaghị ebibi? Baịbụl kwuru, sị: “Onye nwere okwukwe n’Ọkpara ahụ nwere ndụ ebighị ebi; onye na-enupụrụ Ọkpara ahụ isi agaghị ahụ ndụ, kama ọnụma Chineke na-adịgide n’ahụ́ ya.” (Jọn 3:36) N’eziokwu, mgbe Chineke ga-ewesa ụwa iwe ikpeazụ, ọ gaghị ebibi ndị dị ndụ nwere okwukwe na Jizọs nakwa n’ihe mgbapụta ahụ.