Obi ọjọọ Keifas pụtara ìhè mgbe ọ gwara ndị ndú ibe ya, sị: “Unu echeghịkwa echiche na ọ bụ maka ọdịmma unu ka otu onye nwụchitere mmadụ nile ọnwụ, kama a ga-ebibi mba a dum.” Ihe ndekọ ahụ gara n’ihu kwuo, sị: “Otú ọ dị, o kwughị nke a n’echiche nke onwe ya; kama n’ihi na ọ bụ nnukwu onye nchụàjà n’afọ ahụ, o buru amụma na a kara aka na Jizọs ga-anwụ maka mba ahụ, ọ bụghịkwa nanị maka mba ahụ, kama ka o wee chịkọtakwa ụmụ Chineke a chụsasịrị achụsasị n’otu. Ya mere, malite n’ụbọchị ahụ gaa n’ihu, ha gbara izu igbu [Jizọs].”—Jọn 11:49-53.

Keifas amaghị ihe nile okwu ya pụtara. N’ihi na ọ bụ nnukwu onye nchụàjà, o buru amụma.b Ọnwụ Jizọs ga-aba uru—ma ọ bụghị nanị ndị Juu ka ọ ga-abara uru. Àjà mgbapụta ya ga-abụ ihe a ga-eji gbapụta ihe nile a kpọrọ mmadụ n’agbụ nke mmehie na ọnwụ.