• Ike Iweghachi Ihe—Jehova ‘Na-eme Ihe Nile Ka Ha Dị Ọhụrụ’
    Bịaruo Jehova Nso

    • 3. Atụmanya dị aṅaa na-enye nkasi obi ka e depụtara n’Ọrụ 3:21, oleekwa ihe Jehova ga-eji emezu ya?

      3 Mgbe ahụ, lee ka o si bụrụ ihe na-akasi obi ịmata banyere ike mweghachi ihe nke Jehova! Dị ka anyị ga-ahụ, ihe ndị Chineke ga-enwe ike iweghachi nakwa ihe ndị ọ ga-eweghachiri ụmụ ya ndị nọ n’ụwa buru nnọọ ibu. N’ezie, Bible na-egosi na Jehova na-ezube “mweghachi nke ihe nile.” (Ọrụ 3:21) Iji mezuo nke a, Jehova ga-eji Alaeze Mezaịa, nke Ọkpara ya, bụ́ Jizọs Kraịst, ga-abụ eze na ya mee ihe. Ihe àmà na-egosi na Alaeze a malitere ịchị n’eluigwe na 1914.a (Matiu 24:3-14) Gịnị ka a ga-eweghachi? Ka anyị tụlee ụfọdụ n’ime ọrụ mweghachi dị ebube ndị Jehova rụrụ. Anyị ahụwalarị otu n’ime ha ma na-anụ ụtọ ya. Ndị ọzọ ga-ewere ọnọdụ n’ọ̀tụ̀tụ̀ dị ukwuu n’ọdịnihu.

  • Ike Iweghachi Ihe—Jehova ‘Na-eme Ihe Nile Ka Ha Dị Ọhụrụ’
    Bịaruo Jehova Nso

    • a “Oge mweghachi nke ihe nile” malitere mgbe e guzobere Alaeze Mezaịa bụ́ nke onye nketa nke Eze Devid kwesịrị ntụkwasị obi nọkwasịrị n’ocheeze ya. Jehova kwere Devid nkwa na onye bụ́ onye nketa ya ga-achị ruo mgbe ebighị ebi. (Abụ Ọma 89:35-37) Ma mgbe Babilọn bibisịrị Jeruselem na 607 T.O.A., ọ dịghị mmadụ sitere n’eriri Devid nke nọkwasịrị n’ocheeze Chineke. Jizọs, bụ́ onye a mụrụ n’ụwa dị ka onye bụ́ onye nketa Devid, ghọrọ Eze ahụ e kwere nkwa ya eri oge mgbe e mere ka ọ nọkwasị n’ocheeze n’eluigwe.