Ọ bụrụ na Chineke ekpugheghị ya nye onye edemede ahụ kpọmkwem, Chineke mere ka e nwee onye maara maka ihe omume ndị dị otú ahụ ka ndị a wee bụrụ akụkụ nke akụkọ a kọrọ n’ọnụ ma ọ bụ nke e dere ede, nke e nyefere site n’otu ọgbọ gaa n’ọgbọ ọzọ ruo mgbe ha ghọrọ akụkụ nke ihe ndekọ Bible. (Lee igbe dị na peji nke 7.) Otú o sina dị, anyị pụrụ ijide n’aka na Jehova bụ Isi Iyi nke ihe ọmụma nile dị otú ahụ, o duzikwara ndị ahụ dere ya ka ezighị ezi, ikwu ihe gabiga ókè, ma ọ bụ akụkọ ọdịbendị na-emeghị eme ghara itetọ ihe ha dekọrọ. Pita dere banyere amụma: “Mmadụ sitere na Chineke kwuo okwu, mgbe Mmụọ Nsọ na-eme ka ha kwuo.”b—2 Pita 1:21.