Nkasi Obi

Ihe Baịbụl kwuru banyere ihe a:

• Rut 1:11-13, 20​—Obi gbawara Naomi maka na di ya na ụmụ ya abụọ nwụnahụrụ ya, ya echee na Jehova ahapụla ya

• Job 3:1, 11, 25, 26; 10:1​—Obi gbawara Job maka na akụnụba ya lara n’iyi, ụmụ ya iri anwụọ, ya amalitekwa ịrịa ọrịa

Amaokwu Baịbụl ndị na-akasi obi:

• Rom 12:19; Jems 1:13

Ihe e kwuru na Baịbụl nke na-akasi obi:

• Rut 1:6, 7, 16-18; 2:2, 19, 20; 3:1; 4:14-16​—Naomi malitere inwe obi ụtọ ọzọ mgbe ọ laghachiri n’Izrel, ndị mmadụ enyere ya aka, ya enyekwara ndị ọzọ aka

• Job 42:7-16; Jems 5:11​—Okwukwe Job nwere mere ka o die nsogbu ndị bịaara ya. Jehova gọzikwara ya otú na-enweghị atụ

Ihe Baịbụl kwuru banyere ihe a:

• 1 Sam. 1:6, 7, 10, 13-16​—Hana anaghị enwe obi ụtọ n’ihi àgwà ọjọọ Penina na-akpaso ya. Nnukwu onye nchụàjà bụ́ Ịlaị chekwara na ọ na-aṅụ oké mmanya

• Job 8:3-6; 16:1-5; 19:2, 3​—Mmadụ atọ sị na ha bịara ịkasi Job obi bụ ndị ezi omume n’anya onwe ha. Ha bokwara Job ebubo na ọ bụghị ezigbo mmadụ. Ihe a wutere Job

Amaokwu Baịbụl ndị na-akasi obi:

• Ọma 37:8, 9; Efe. 4:26

Ihe e kwuru na Baịbụl nke na-akasi obi:

• 1 Sam. 1:9-11, 18​—Obi bịara ruo Hana ala mgbe o kpechara ekpere o ji gwa Jehova ihe na-ewute ya n’obi

• Job 42:7, 8, 10, 17​—Mgbe Job gbaghachaara ndị enyi ya, Jehova mere ka ọ gbakee, ya amalitekwa ịna-enwe obi ụtọ

Ihe Baịbụl kwuru banyere ihe a:

• 2 Eze 22:8-13; 23:1-3​—Eze Josaya na ndị ọ na-achị bịara ghọta otú ihe ọjọọ ha mere jọruru ná njọ mgbe a gụụrụ ha ihe dị n’Iwu Mosis

• Ezra 9:10-15; 10:1-4​—O wutere onye nchụàjà bụ́ Ezra na ndị Izrel ndị ọzọ maka na ụfọdụ ụmụ nwoke Izrel nupụụrụ Jehova isi gaa lụọ ndị ala ọzọ

• Luk 22:54-62​—O wutere Pita onyeozi na ọ gọnahụrụ Jizọs ugboro atọ

Amaokwu Baịbụl ndị na-akasi obi:

• Ọma 32:5; 103:9-14; Aịza. 1:18; Ọrụ 3:19

• I nwekwara ike ịgụ Aịza. 38:17; Maị. 7:18, 19

Ihe e kwuru na Baịbụl nke na-akasi obi:

• 2 Ihe 33:9-13, 15, 16​—Manase bụ otu n’ime ndị eze ọjọọ chịrị Juda. Ma, Chineke meere ya ebere mgbe o chegharịrị

• Luk 15:11-32​—Jizọs mere ihe atụ banyere nwa mmefu iji gosi otú Jehova si eji obi ya niile agbaghara ndị mmadụ kpamkpam

Ihe Baịbụl kwuru banyere ihe a:

• 2 Eze 20:1-3​—Eze Hezekaya bere ezigbo ákwá mgbe ọ dara ọrịa ma nọrọ n’ọnụ ọnwụ

• Fil. 2:25-30​—Obi dara Epafrọdaịtọs mbà maka na ọ nọ na-echegbu onwe ya na ụmụnna nọ na Filipaị nụrụ na ahụ́ adịghị ya nakwa na ha nwere ike ịna-eche na ọ rụlighị ọrụ e nyere ya

Amaokwu Baịbụl ndị na-akasi obi:

• Ọma 92:12-14; Aịza. 40:29-31; 46:4; 2 Kọr. 8:12

Ihe e kwuru na Baịbụl nke na-akasi obi:

• 2 Sam. 17:27-29; 19:31-38​—Bazilaị nọ na-akwado Eze Devid. Devid na-akwanyekwara ya ezigbo ùgwù. Ma, mgbe Devid gwara ya ka o soro ya gaa biri na Jeruselem, ọ jụrụ maka na ọ ma na ya emeela agadi

• Ọma 41:1-3, 12​—Mgbe ọrịa na-arịasi Eze Devid ike, obi siri ya ike na Jehova ga-enyere ya aka

• Mak 12:41-44​—Jizọs jara otu nwaanyị di ya nwụrụ nke dara ogbenye mma maka onyinye o nyere n’ihi na o nyere ihe niile o nwere