Anya Nọ Na-ele Ha

ỤMỤ okorobịa abụọ dị afọ iri na ụma banyere n’otu ụlọ nri dị n’otu obodo nta n’Ohio, U.S.A. iji rie nri ụtụtụ. Dị ka ha na-eme mgbe nile, tupu ha erie nri, ha hulatara isi ma kpee ekpere n’ime obi ha.

Mgbe nke ahụ gasịrị, otu nwanyị nke nọ na-ekiri ihe ha na-eme bịara na tebụl ha ma welie mpempe akwụkwọ e depụtara ego ole ha ga-akwụ. Ọ gwara ha, sị: “N’ụwa ebe anyị na-anụ nnọọ akụkọ ọjọọ banyere ndị ntorobịa anyị, ọ bụ ihe dị nnọọ mma bụ́ nke a na-adịghị ahụkebe ịhụ ụmụ okorobịa abụọ na-ewepụta oge iji kelee Chineke maka nri ha. Ọ ga-amasị m ịkwụrụ unu ụgwọ nri a.”

Nke a riri ụmụ okorobịa abụọ ahụ ọnụ ma ha kelere nwanyị ahụ. Mgbe nke ahụ gasịrị, ha tụgharịrị uche na ha ekwesịghị ịhapụ nwanyị ahụ ka o chewe na ọ bụ nnọọ Chi nkịtị ọzọ ka ha nọ na-ekpegara ekpere. Ya mere, otu n’ime ha gakwuuru nwanyị ahụ, mgbe o kelesịkwara ya ọzọ, ọ gwara ya na ha bụ Ndịàmà Jehova.

Ọ bụ ihe Ndịàmà Jehova na-eme mgbe nile bụ́ isoro ezinụlọ ha na-amụ Bible. Ndị mụrụ ụmụ okorobịa a na-eme otú ahụ. Otu n’ime akwụkwọ ezinụlọ ndị ahụ mụrụ bụ Ihe Ọmụma nke Na-eduba ná Ndụ Ebighị Ebi. Isiokwu nke otu n’ime isiakwụkwọ 19 nke akwụkwọ a na-ekwu banyere ekpere bụ “Otú Ị Pụrụ Isi Bịaruo Chineke Nso.”

Ọ bụrụ na ọ ga-amasị gị inweta otu n’ime akwụkwọ a e ji amụ Bible bụ́ nke nwere peeji 192, biko kpọtụrụ Ndịàmà Jehova nọ n’ógbè gị. Ọ bụrụ na ị ga-enwe mmasị ka mmadụ kpọtụrụ gị, biko dejupụta akụkụ a pụrụ ịdọkapụta adọkapụta dị na peeji a ma zite ya n’adres e dere na ya ma ọ bụ n’adres nke kwesịrị ekwesị e depụtara na peeji nke 5 na magazin a.

□ Biko kpọtụrụnụ m iji duziere m ọmụmụ Bible ebe obibi n’efu.