Owo IJisọsị À Tị́ Ri?

IJihova du iJisọsị wẹ odehe. 1 ỊJọn 4:9

Kori kahị tịtọ áhị ka họ ẹla há iJihova aalẹ, ahị ka ke ụrụ wo ẹla nya ọngọkịla ọ-ju apyobwuna ọhẹ. Tataata ene ká iJihova họ Adam, ọ họ olegu-ẹrụ ọlọngịrị ọtụka-ọtụka ọhẹ e-epwoohe.

Ọ ka nọ chẹẹ, iJihova ya olegu-ẹrụ ọwẹ du wẹ ẹpwụ nya oruma nya ọnyang ọlẹ kọ jẹ́ ọlẹng ka, ká ẹnyị nyamwụ ri iMeri. Ụka kị mọọ kpá ị-ịBẹtịlẹhẹm, ị jwoo ẹnyị nya iJisọsị.—ỊJọn 6:38.

Ụka ká iJisọsị jam odehe, ọ me adamwụ kpẹẹkpẹẹ a-abwụma. Ọ kaa họ ang ịnyịịla ha angịnyị, ọ la ọháha ẹ-ẹga nya angịnyị, ọ tị kaa chị angịnyị kpẹẹ nyọka ka ẹga nyamwụ. Ọ kaa mẹ ẹlịlẹhị chajị nya iJihova jẹ angịnyị la o-juhi ka.

IJisọsị họ ang ọnyịịla, ọ tị wụ angịnyị ẹjẹ. 1 IPita 2:21-24

IJisọsị ho alẹdụrụ uda bala o-wule egu eji ịnyịnyị.

Ala ịFarịsii bala ịTịcha ị-mẹ ehile nya iMosisi jẹ ba iJisọsị ẹtẹ chajị nyọlẹ kọ kaa yaa ọmwụ dodehe u-uhye nya ang ọmẹjẹ nya ọnọọkịla bala abwẹla inyibyi nyaa.

Ị du angịkpeji nya ala iRom ju kị ka nyí iJisọsị bala ọ-ka nwọọ.