À Tị́ Ji Oye Nya Owo?

1. À tị́ j’oye ny’owo?

Owo à tị́ r’Ohe nyang?

Ọngọlẹ ká kpịlọng keji ha,

Ọngọọwa à r’Ohe nyang lẹ.

Ọ́ chịkpẹẹ nyọka la

Ayịbaba imiiye ka.

Lẹ, à ka chw’Ohe ọhẹ bw’ẹpwụ nyaa,

Ọlẹ ká ka gbịgba ha.

2. Á tị́ j’oye ny’owo?

À tị́ ka jwihi ny’owo?

Ọngọhẹ r’ohe ny’ọnọọkịla;

Ọngọkịla r’ịnyịlẹhị.

À ka hw’ọhịhị nyang

H’angịkpeji ny’odehe,

Lee Ohe nyịlẹhị a tị́ ka chụ,

Ja h’ẹla b’irya nyamwụ?

3. Am tị́ j’oye ny’owo?

M̀ j’oye ny’iJihova.

M̀ ka gbịgba họọ l’ọhịhị nyam,

M̀ ka họ jaabwọ kam my’ọnụ.

Ọhịhị nyam lịnyaa;

Ọ ram l’ịwọ ny’iJisọs’.

Lẹ, m̀ ka y’ogbo họọ ẹnụ my’ẹnụ

Chajị m̀ j’ụbwọ nyamwụ.