EJE 84
Họ Ụkụrwọ
(ỊMatiyu 9:37, 38)
1. IJihova hiigu lụmẹ.
Ọ j’ịbaba ny’angịnyị wuu.
Ọ y’ụkụrwọ juhi ụ-ụbwọ
Chajị káhị ka y’ọkẹkẹnị.
(ỌKỌ Ọ-DAWỤLẸ)
H’ụkụrwọ ọnyịịla
h’Ohe Oluhye.
Ẹga k’ọbaba ji odehe,
m’ọháha nyang jẹ.
2. Ọbaba ji, ám̀ odehe
Nyọka d’angịkịla ụbwọ.
M’ọháha jẹ, py’ụbwọ nyang maa,
Hụ ha nyọka kpa h’ụkụrwọ.
(ỌKỌ Ọ-DAWỤLẸ)
H’ụkụrwọ ọnyịịla
h’Ohe Oluhye.
Ẹga k’ọbaba ji odehe,
m’ọháha nyang jẹ.
3. Ẹga my’ẹga k’angịnyị ji,
Ahị kaa nw’ẹga ọ-kpa gbịgba.
Ọ kpụh’ịpyọ nyọka w’oja
Ny’angịkịla, kpa y’ẹla jaa.
(ỌKỌ Ọ-DAWỤLẸ)
H’ụkụrwọ ọnyịịla
h’Ohe Oluhye.
Ẹga k’ọbaba ji odehe,
m’ọháha nyang jẹ.
(Wa ụpwụ nya Jọn 4:35; Ụkụr 2:8; Rom. 10:14.)