Anụ Ju Awụlẹ Ọhụ

1. Ọháha nyahị ka l’ọngịrị,

Jaabwọ kahị ja yẹju lawụlẹ

Nyọka jẹ́-ẹ gbịgba h’iJihova

Bal’ ọ-h’ụkụrwọ ọnyịịla.

Ọháha bal’ọhụ ojuju

Tị ka y’ugbodu ojuju

Hahị ẹ-ẹpwụ ny’odehe ọlẹ,

Ohe ka y’okpunyi hahị.

2. Omy’ẹla ọnyịịla há lụmẹ!

Ọọ y’ọhụ ojuju hahị.

Aligu ilikeje nyahị

Kaa y’ẹla ọ-kpụ́hị ẹjẹ.

Ọ kpịpyọ nyọka yẹju lawụlẹ

Bal’angịnyị ny’iJihova!

Ọ chịla kahị ka kp’olo ny’awụlẹ

Bal’ ọ-d’angịkịla ụbwọ.

3. Jaabwọ k’ahyẹẹnụ ny’iJihova

Wẹẹ tụ́ juhi chwẹẹ gw’ọwọwa,

Ọ baba kahị ka kp’ụka nyahị

Tụguru bal’aanahị wuu.

Ahị ka gbịgba h’Ohe pw’ocheju

Bal’aanahị ịkịla wuu.

Lẹ, ahị ka jw’angịkịla ọhụ

Nyọka yụbwọ ch’ọmyịmyị nyaa.