La Abwụma nya Ọháha

1. Ọháha ny’Ohe myịhị lẹhị.

Ahị tị raabwọ kọ ka ya hahị.

Chajị bw’ẹpwụ ny’abwụma nyamwụ,

Ọháha r’ang ọbaba gụ wuu.

Ahị ka l’abwẹla ịnyịịla myị́,

Ma, kori k’ọháha á nyiri,

Ị ka r’ododu ẹ-ẹga ny’Ohe.

Lẹ, ahị ka l’ọháha nyịlẹhị.

2. LỌháha kaa kp’ọngịnyị hu ha,

Kọ ka m’irya nyịlọmwụ kem ka.

Ọháha ka gw’ọngịnyị gbịla

Nyọka hịnyọhi h’angịkịla.

Ọ kaa j’ugbodu; ọ kaa l’irya

Nyọka kp’olony’angịkịla taa.

Ẹ-ẹla ọhọhọ bal’oyaya,

Ahị ka m’ọháha ny’ịlẹhị jẹ.