Uda Ọhọhọ la Ẹnụtụrụ Ọhịnyọ Lụkụrwọ

3:1-5

Ịyẹ tị́ du ká ẹla nya aligbeju ị-mẹ ẹla nya Ohe jẹ nya ala iJuu tọ iJisọsị olujwo lụmẹ kaka kpoye? Chajị ị họ ehile nya Ẹnụtụrụ Ọhịnyọ Lụkụrwọ ọwẹ la ọngịrị kịlaakịla la ọ-kpakpa bwula ọ-chị enyi nya ala ịkịla dọọ. Lala ọ-chụ pwokwịta, ọ-ka nwụ ọgbarụ amamadiroko ọla ịnyịrọ nya ebwu ri ọhọbịrị. Kori ká ọngịnyị á hi pyịnyẹng ọ-ka chị ẹjẹ kẹnẹ-kẹnẹ lẹ, ị ka họọ uda ẹẹ. Ọọwa ri, ị́ ka họ ọngọlẹ ká ukpunogu nyamwụ mwụ lee ọ-pyị, uda la Ẹnụtụrụ Ọhịnyọ Lụkụrwọ ka. Aligbeju ịwẹ mẹjẹ gede-gede nyori ị́ la ahyẹẹrwẹrwa u-uhye nya ọlẹng ọlẹ kọ́ gbu ụbwọ ba kpong-kpong ka.