Ọyị Ọyẹyẹ a-Arụrụ Ọlẹ Kọ́ Ka Ju Ọmyịmyị Ọngịrị

9:1-7

Kụ irya jaabwọ kọ́ la iJisọsị wẹẹ, ụka ọlẹ kọ́ wo omyi nya Adamwụ bwu epwoohe juwa ya nyori nyị ri ọnyị ọlịkẹjẹ nyọwa lụka nya ọyị ọyẹyẹ ọwẹ. Ẹla ọwẹ jwoo ọngịrị yẹẹyẹẹ nyọka ba ọhụ ẹ-ẹpwụ nya ịmayẹ ịlẹ kị́ wẹẹ kà wẹ chọọ ọgụ. Ọyị ọyẹyẹ ọwẹ da iPita, iJemsi bala ịJọn ụbwọ yẹẹyẹẹ ịnyịnyị. Ị́ jẹ́ myị̀myị̀ nyori, iJisọsị kpangga nya-à ri ọngọchịda ịlẹhị lẹ, ị́ chị ijema kpong kpong nyọlẹ kị́ ke ụrụ lọọ ka. Lala ẹka iwo ịta kụrụ imiiye(32) kịlahị, iPita myịmyị kpịtịya nya ọyị ọwe bala abwọlẹ kọ́ ju ọmyịmyị nyamwụ ọngịrị ẹ-ẹga nya “ọmwụ ọyẹyẹ” ịkịla.​—2Pi 1:​16-19.

O-ri nyịlẹhị nyori áhị yẹ ọyị ọyẹyẹ ọ-la ẹbyẹbyị ọwẹ lẹhị nya ịlọhị ka, ma ahị tị wẹẹ yẹ ọ-họ jịra nyamwụ. IJisọsị ri Adịrahụ ọ-la ọngịrị, juwa kpa eji lẹẹlẹẹ lẹ. Lụka kpii, ọ juwa ka ya ẹga da ha odehe onyeewe bwula ọ-ka ‘kụrụ kịlahị-ịlahị’ ịnyịnyị.​—Ọw 6:2.

Ányi ọ-họ jịra nya ọmwụ ọyẹyẹ ịla ịBayịbụụ à tí bwu ju ọmyịmyị nyang ọngịrị?