Ọháha à Kaa Mẹ Angịnyị nya ỊKịrayịsị Nyịlẹhị Jẹ Lẹ—Cheji Ba Hi ọ-Yẹ Ịlọng-ịlọng Bala o-Ju Agbama

ANG ODUDU ỌLẸ KỌ́ BABA: IJisọsị mẹjẹ nyori, ọháha ị ka kpa jẹ́ angịjụgbẹyị nyamwụ lẹ. (Jọn 13:​34, 35) Nyọka jẹ́-ẹ mẹ ọháha ụma nya ịKịrayịsị jẹ, ọ baba káhị ka kpa angịkịla i-irya bala ọ-ka cheji ba hi agbama ojuju.​—1Kọ 13:5.

JAABWỌ ÁHỊ KA BWU HỌ ỊNYỊ:

• Ụka ká ọngịnyị-ị́ ya ẹla lee ọ-họ ẹla wụng ẹjẹ, dayị ká kụ irya ju ang ọlẹ kọ́ kpa ọmwụ nya ẹla ọwẹ bala akama ọlẹ ká agbama ojuju kaa kpa wẹ ọngịnyị.​—Et 19:11

• Kpịtịya nyori ọngọngọhẹ-ẹ́ la kpẹẹkpẹẹ ka, lẹ ahị kaa ya ẹla lee ọ-họ ẹla ọlẹ kọ́ pwokwu ka, ụka ọhẹ bala ụka ọkịla

• Họ okpunyi ahyaahị, la ọ-bịrị ụka ka

YẸ IFIM ỌLẸ KỌ RI, ANỤ “LA ỌHÁHA Ẹ-ẸGA NYA AWỤLẸ”​—CHEJI BA HI Ọ-YẸ ỊLỌNG-ỊLỌNG BALA O-JU AGBAMA, KÁ WẸ ỊTỌ ẸLA ILEJI ỊLẸ:

• Ányị ịLarry à tị́ họ, ụka ọlẹ ká ịTom gba ẹla kpehe?

• Ẹlịyẹ à tị́ da ịTom ụbwọ nyọka cheji ba hi agbama ojuju?

• Ịyẹ à tị́ ri ocheju nya ẹla nyọlẹ ká ịTom wẹ ẹla la ọkọ ọkpẹnẹ?