HỊHỊ LALA ANGỊNYỊ NYA ỊKỊRAYỊSỊ

Bịrị Ụka Bala Angịlẹ Kị la Ọháha Ha IJihova

Ịyẹ tị du kahị ka bịrị ụka bala angịlẹ kị la ọháha ha iJihova? Angịlẹ kahị kaa bịrị ụka bala ka jẹ́-ẹ dahị ụbwọ nyọka họ ang ịnyịịla lee o-juhi ọhụ nyọka họ ang ọtịpyọ myị́. (Etu 13:20) Ọ-chụ pwokwita, Adịrahụ iJowachị “họ ang ọlẹ kọ kpu [iJihova] ọkịlẹtụ nyii” nyọlẹ kọ kaa bịrị ụka bala ọngọkiliya iJehoyada. (2Ego 24:2) Ma, ụka ká iJehoyada gbu kpá, iJowachị ji ẹkpẹ da iJihova chajị nya aligu ịtịpyọ ịlẹ kọ la.—2Ego 24:17-19.

Lụka nya oyi nya ogbanye, ọngọmyẹrụ ịPọlụ chụ ọjịra-jịra nya angịnyị nya ịKịrayịsị kaka pwoku “ọdọdẹpwa ọtụka” bala ọ-chụ ala ọjịra-jịra kaka pwoku “ịja” lee ang-abwọ i-ju ang oriri. Ahị ka jẹ́-ẹ ri “ịja ilihi-ihi” kori kahị cheji ba hi ọ-ka ri igu bala ọngọngọhẹ ọlẹ kọ kaa họ ang ịlẹ kịị wu iJihova ẹjẹ, kọri ká ọngọọwa a ri alugbiyegu nyahị lee ala ọjịra-jịra nyahị wẹwẹ. (2Tim 2:20, 21) Chajị nya ọọwa lẹ, ahị kịnyaa la ọ-ka ri igu bala angịlẹ kị la ọháha ha iJihova bala angịlẹ kị ka juhi ọhụ nyọka gbịgba họọ mẹ.

YẸ IFIM ỌLẸ KỌ RI, JẸ JAABWỌ À KA BWU CHEJI BA HI OGU ỌTỊPYỌ. KÁ WẸ ỊTỌ ẸLA ILEJI ỊLẸ:

Ányị ahị tị ka jẹ́-ẹ juwa bịrị ụka nyahị bala aligu ịtịpyọ la ọ-jẹjẹ ka?
Ẹ-ẹpwụ nya ifim ọwẹ, ịyẹ tị da aanahị angị ịta ịwẹ ụbwọ nyọka chebwo hi ogu ọtịpyọ?
Itiwe nya ehile ịlẹpwụ nya ịBayịbụụ iyina a tị́ ka jẹ́-ẹ dang ụbwọ nyọka chụ aligu ịnyịịla?

ỊJọn wẹẹ ya ere ha angịnyị ẹga o-ri ang oriri; Kristin wẹẹ yẹ ang ịla ịntanẹti; iJayden juwa kayịlọ ọ-la ịntanẹti; ịJọn bala ala ugbiyegu nyamwụ, Kristin, bala Jayden juwa ọọjịra-jịra — Tọ ịlọng wọ wẹẹ, ám lẹ m̀ ri ‘ẹja olihi-ihi’?—2Tim 2:21