Nwa Kịlahị-ịlahị ẹ-Ẹpwụ nya Ẹrụ Ọnyịịla ọ-Kpa Pyẹ​—Ẹla Ohe o-Ya Bwu ịKamara lee Intacom

ANG ODUDU ỌLẸ KỌ́ BABA: Ọnwa kịlahị nya ang-abwọ nya ichene bala uguru ẹla ọhọhọ dudu ká angịnyị jam kpa ịkamara bala intacom họ ụkụrwọ lẹẹlẹẹ gụ olene. Ọ-ka lahị ujwo nyọka ya ẹla nya Ohe ju ọngịnyị ọlẹ kahị ka jẹ́-ẹ yẹ ka, ma ọwa ka jẹ́-ẹ yẹẹhị. Ẹla ileji ịlẹ ka dahị ụbwọ chajị kahị ka jẹ́-ẹ ya ẹla nya Ohe ju ọngịnyị bwu ịkamara lee intacom la o-juhi ka.

JAABWỌ ÁHỊ KA BWU HỌ ỊNYỊ:

• La irya ọnyịịla. Angịnyị lụmẹ-lụmẹ ịlẹ kị la ịkamara lee intacom nwụlanọ nyọka ke ụrụ lahị

• Kpịtịya ị họ ịkamara ịhyẹ ụgbẹyị ọlẹ kị ka dọmwụ nyọka kịla omyi ẹla nyang ju ahyaahị ká pwụ ọnang nya ụgbẹyị ene ká ka yụbwọ ba atang dọmwụ. Ọngọlẹpwa ka juwa yẹng bala o-ke ụrụ lang ahyaahị ká dayị ọọnang nyamwụ

• Ụka ká ọngọlẹpwa a wẹng, ya ẹla ju ka intacom lee ịkamara ọọwa lala o-ri à juwa bala ọngọọwa kpangga ịnyịlẹhị. Chị ụmwẹhụ bala ọ-dụbwọ ụgbẹyị ọlẹ kọ pwoku. Ya ẹla ọlẹ ká nwụlanọ nyọka ya ene-ene kori ká ọngọọwa a warị wẹ ọnang ịnọ. Kori ká ịkamara a juwa, á kpa ẹhị nyang tụ bọọ lụmẹ ka. Kori ká ọngọlẹpwa a wẹng ka aalẹ, á du ẹrụ nọ gbọọ ka

• Kori ká ẹla oyaya nyanụ a cheju wẹwẹ, kpịtịya nyori ọngọlẹpwa ọọwa ka juwa yẹng lee o-ke ụrụ lang wẹẹ, lẹ kpahị ju ẹla ọlẹ à ka ya ụka ọwẹ