Ẹrụ Ọnyịịla ọ-Kpa Pyẹ Ọdatị la Ọya Ọkụrụ Ọhọhẹ Nyọka Ya Ịpyị-Adịrahụ nya Ohe Oluhye Dodehe

IJisọsị “ya ẹrụ ọnyịịla chajị nya ịpyị-Adịrahụ nya Ohe Oluhye.” (Luk 4:43) Ọ mẹjẹ angịnyị nyọka raabwọ chajị ká ịpyị-Adịrahụ ọọwa ka wẹ. (Mat 6:9, 10) Lụka nya Ọya Ọkụrụ Ọhọhẹ, ahị ka maga nyọka ya ẹla chajị nya ịpyị-Adịrahụ nya Ohe Oluhye dodehe. (Mat 24:14) Nwụlanọ yẹẹyẹẹ chajị ká ka la ụbwọ ẹ-ẹpwụ nya ẹrụ ọnyịịla ọ-kpa pyẹ ọdatị ọwẹ. Angịlẹ wuu kị ye ịlahị nya ụgbẹyị ka chụ nyọka họ awa 30 kele ka 50 myị ẹ-ẹpwụ nya ọya ọwẹ.

Maga ká wa ụpwụ ịgọgọ ọhẹ ọlẹ kọ ya ẹla gu ịpyị-Adịrahụ nya Ohe Oluhye ju angịnyị lụmẹ-lụmẹ ịlẹ kị kụ o-oye nyang. Ụka ká ka chụ ụpwụ ịgọgọ ọlẹ à ka wa, kụ irya nya ụpa nya ịgba ọgbagba ọlẹ ká angịlẹ kị wẹẹ ke ụrụ lang bwu. Kori ká ọngịnyị a ke ụrụ lang lụka nya ọgbanyẹ-ọgbanyẹ, ya Ẹpwang ọ-Kụ Gbeji No. 2 2020 họọ. Tịrẹkpẹ kele ahyaahị, ká maga nyọka dọmwụ nya ịBayịbụụ ọjẹ́jẹ bala ọngọọwa la ụpwụ ọhẹ bwu ẹpwụ nya Ang-abwọ ịlẹ Kahị kaa Kpa Mẹ Ang Jẹ. Lụka kpii, ịpyị-Adịrahụ nya Ohe Oluhye ka ta eji ọkpakpa ọnyị myị́ ọnyị ọlẹ kọ myị ọnụ jwọọ ka ayịreji. (Dan 2:44; 1Kọr 15:24, 25) Lẹẹlẹ, áhị kpa iwe ọlẹ kahị la lẹẹlẹẹ mẹjẹ nyọri ahị ji oye nya iJihova bala ịpyị-Adịrahụ nyamwụ mẹ.